Mbrëmjen e djeshme bordi i Drejtorëve Ekzekutivë të Bankës Botërore miratoi një financim prej 71 milionë dollarësh për Projektin e Zhvillimit të Integruar Urban dhe Turizmit në Shqipëri.
Ky projekt ka si synim të përmirësojë infrastrukturën urbane, të shtojë vlerën e aseteve turistike, të forcojë kapacitetet e institucioneve si dhe të mbështesë turizmin në nivel lokal kryesisht në jugun të Shqipërisë.
Kështu ky projekt pritet të ndihmojë në hapjen e vendeve të reja të punës, respektivisht në shtimin e të ardhurave në familjet shqiptare.
