Agjencia e OKB-së për fëmijët UNICEF, ka deklaruar ditën e sotme se sulmet izraelite kanë vrarë ose plagosur 11 fëmijë çdo ditë në Liban. Zëdhënësi i UNICEF-it, Ricardo Pires tha se gjatë shtatë ditëve të fundit, 77 fëmijë janë vrarë ose plagosur.
Mediat shkruajnë se zyrtarët izraelitë kanë ashpërsuar retorikën e tyre ditët e fundit, ndërsa forcat izraelite goditën Bejrutin pas sulmeve në jug dhe në Luginën e Bekaas. Ushtria izraelite tha se goditi”më shumë se 135 objektiva të Hezbollahut të enjten, ndërsa Hezbollahu mori përgjegjësinë për 19 sulme në postet e ushtrisë izraelite.
Ministria Libaneze e Shëndetësisë tha se në total, sulmet izraelite në Liban kanë vrarë 3,355 njerëz dhe kanë plagosur 10,095 banorë të tjerë që nga 2 marsi.
