Nëse të gjithë operatorët e transportit publik implementojnë sistemet POS-POI për pagesat, bileta për qytetarët nuk do të kushtojë më 40 lekë, por 30 lekë më shumë.
Detyrimi i Tatimeve për të implementuar sistemet POS/POI për të gjitha bizneset që operojnë me para në dorë, ka ngritur shqetësimin e shoqatave të transportit në të gjithë Shqipërinë.
Shoqatat shprehen se operatorët e autobusëve janë njoftuar për detyrimin e pagesave elektronike me kartë ndërsa theksojnë se zbatimi praktik i këtij sistemi do të sjell kosto dhe vështirësi për sektorin.
“Transporti publik urban funksionon mbi një model me volum shumë të lartë transaksionesh dhe vlerë shumë të ulët për çdo pagesë individuale, ku aktualisht tarifa e biletës së transportit publik qytetas është vetëm 40 lekë për udhëtar. Në këto kushte, aplikimi i pagesave elektronike përmes POS/POI sjell një kosto të konsiderueshme financiare dhe operative për operatorët e transportit publik”, shprehet Shoqata Kombëtare e Transportit Qytetas.
Në vijim të shqetësimit të penaliteteve që mund të aplikohen nga administrata tatimore duke filluar nga 1 qershori, Shoqata Kombëtare e Transportit Qytetas i është drejtuar institucioneve shtetërore me një kërkesë zyrtare për sqarime mbi vendosjen e pajisjeve elektronike të pagesave. A do të vendosen këto pajisje si do të realizohen këto pagesa, kush do të mbajë kostot e komisioneve bankare dhe a do të ketë mbështetje financiare nga shteti?
Kujtojmë se ndryshimi i çmimit të biletës së autobusëve kryhet me vendim të Këshillit Bashkiak, teksa deri më tani nuk ka një diskutim të tillë.
Shoqata vlerëson nismat për formalizim dhe modernizim, por konsideron se zbatimi në sektorin e transportit publik qytetas kërkon analizë të veçantë teknike dhe ekonomike, për shkak të natyrës së shërbimit, tarifave shumë të ulëta dhe numrit shumë të lartë të transaksioneve ditore.
gijotina.com/
The post Bileta e autobusit 70 lekë dhe pagesa me POS-s? Shoqata e Transportit: Po na e kërkojnë Tatimet appeared first on 27.
