Ditën e sotme vendi ynë do të ndikohet nga kushte atmosferike relativisht të paqëndrueshme.
Sipas Shërbimit Meteorologjik Ushtarak reshjet e shiut parashikohen të jenë prezente që në orët e para të 24-orëshit deri në ortë e mëngjesit në veri dhe në qendër të vendit me intensitet të ulët të karakterit lokal.
Në orët e mesditës deri në orët e vona të pasdites priten reshje shiu me intensitet të ulët e lokalisht shtrëngata shiu kryesisht në qendër dhe jug të vendit.
Era do të fryjë me drejtim verilindje – jugperëndim me shpejtësi mesatare 7 m/s e cila përgjatë vijës bregdetare dhe lugina pritet të arrijë shpejtësi deri në 14 m/s.
Valëzimi në detet Adriatik dhe Jon do të jetë i forcës 2-3 ballë.
