Ministria e Arsimit, Mirela Kumbaro ka dalë nga zyrat e SPAK, pas 4 orësh që nga hyrja e saj në ambientet e insitiucionit. Gjatë daljes së saj, Kumbaro u shpreh se ishte thirrur si person në dijeni për çështjen e stadiumit Arena.
“Isha si person në dijeni për çështjen e stadiumit Arena” tha Kumbaro.
Historia e stadiumit të ri është historia e një krimi kulturor, urbanistik, administrativ, tregtar dhe financiar i projektuar dhe zbatuar me vetëdije nga Kryeministri Rama, duke u fshehur pas mirëbesimit dhe entuziazmit patriotik të tifozëve të kombëtares, pra gati të gjithë shqiptarëve.
Stadiumi atehershem “Qemal Stafa” kishte statusin e monumentit kulturor kombëtar të kategorisë së dytë, sikurse Muzeu Arkeologjik, Universiteti i Arteve, Korpusi i Universiteti Politeknik, Pallati i Kongresve, Presidenca, Kryeministria, etj. Objekti ishte pjesë e zonës së mbrojtur historike që përfshin gjithë Sheshin Nënë Tereza. Si i tillë ai nuk mund të prishej, por Kryeministri veproi me proçedura arbitrare dhe politike.
Ndërtimi i stadiumit të ri do të shkatërronte përfundimisht kompleksin monumental të Sheshit Nënë Tereza.
Nga ana tjetër, historia e stadiumit është historia e një privatizimi masiv, të bërë vjedhurazi ligjit, konkurencës, kontrollit parlamentar e syrit të publikut, në favor të interesave të dyshimta private, e filluar nga Qeveria Berisha dhe e përfunduar në mënyrë spektakolare nga Qeveria Rama.
gijotina.com/
