Read more
SPAK i sekuestron ish-drejtoreshës së AKSHI-t, Mirlinda Karçanaj të ardhurat e paligjshme që sipas organit të lartë të akuzës, janë përfituar në formë korruptive.
Emisioni “Në Shënjestër” me autore Klodiana Lalën, ka publikuar detaje nga aksioni i SPAK, ku mësohet se “lidhur me të ardhurat e paligjshme të përfituara në formë korruptive nga e hetuara Mirlinda Karcanaj”.
“Ekzistojnë dyshime të arsyesme të bazuara në prova, të cilat të analizuara në harmoni me njëra-tjetrën, bëjnë të besohet fakti se ajo ka përfituar në mënyrë indirekte nga Arjola Koromani (nëpërmjet Daniel Shimës) shumën prej 200 mijë eurosh”, thotë SPAK.
SPAK thotë se Karçanaj në disa raste ka marrë kuti vere të mbushura me kartmonedha euro me prerje 100, 200, 500 si dhe ka përfituar nga persona të tjerë të lidhur me shtetasit Ermal Beqiri dhe Ergys Agasi.
“Përmendim blerjen e 3 pasurive të paluajtshme, dy në Tiranë dhe një në Qerret, me qëllim favorizimin e Soft$Solution apo dhe kompanive të tjera, në procedurat e prokurorimit të zhvilluara nga institucioni që ajo drejtonte, Agjencia Kombëtare e Shoqërisë së Inforemacionit, AKSHI”, thotë SPAK.
