Ministria e Shëndetësisë dhe Mbrojtjes Sociale ka reaguar pas pretendimeve të fundit lidhur me funksionimin e Spitalit Universitar të Traumës, duke garantuar se shërbimet për qytetarët nuk janë ndërprerë.
Sipas njoftimit, blloku i urgjencës është plotësisht funksional dhe i organizuar, ndërsa ndërhyrjet në Kirurgjinë Ortopedike vijojnë normalisht me dy turne pune, përfshirë edhe fundjavat.
Ministria garanton gjithashtu se sallat operatore janë nën monitorim të vazhdueshëm dhe nuk paraqesin rrezik bakterial, duke hedhur poshtë çdo shqetësim për sigurinë higjienike.
Sa i përket furnizimeve, autoritetet bëjnë të ditur se nuk ka mungesa të medikamenteve apo materialeve mjekësore.
Në përfundim, theksohet se Spitali Universitar i Traumës mbetet një nga shtyllat kryesore të sistemit shëndetësor në vend, i gatshëm për të përballuar çdo fluks pacientësh dhe për të garantuar shërbim cilësor.
gijotina.com/
