Kryeministri Edi Rama ishte i ftuar në mbledhjen e katërt të Samitit “Në Mbrojtje të Demokracisë”, në Barcelonë.
Si në çdo forum apo samit të mbajtur në Europë, prezent në samitin e Spanjës ishte edhe Alex Sorosi, miku i kryeministrit Rama, apo sikurse u pëlqen të dyve ta cilësojnë njeri tjetrin si ‘vëlla’.
Edhe këtë radhë, vëmendjen e tërhoqi mungesa e një fotografie të përbashkët mes Ramës dhe Sorosit, një situatë që përsëritet për herë të dytë pas samitit të fundit në Davos, ku të dyja palët u shfaqën sikur nuk kishin kontakt.
Në të kaluarën, ka qenë vetë Soros ai që ka publikuar foto me Ramën nga takime dhe aktivitete të ndryshme në Europë. Por, për herë të dytë radhazi, ai nuk ka ndarë asnjë imazh të tillë me ‘vëllain’ e tij.
