Drejtori i Përgjithshëm për Fqinjësinë dhe Negociatat e Zgjerimit në Komisionin Evropian, Gert-Jan Koopman. i ftuar në një panel të organizuar nga “Studio Europa Maastricht” deklaron se “duhet të jemi të rreptë në fushën e antikorrupsionit”.
“Ne duam që t’i anëtarësojmë këto shtete kandidate, por me masa mbrojtëse shumë të rrepta për t’u siguruar që, nëse gjërat shkojnë keq, pas përfundimit të procesit të kemi më shumë mjete për ta trajtuar çështjen. Kur them se duhet të jemi të rreptë në fushën e antikorrupsionit, kjo nuk është vetëm nga një perspektivë evropiane në teori. Në fakt, është në interes të qytetarëve”, tha ai ndër të tjera.
LIdhur me negociatat, Koopman deklaroi se Mali i Zi po ecen me shpejt, perparimi ne te dy vendet eshte i paprecedente/
“Po, mendoj se lufta në Ukrainë ka shkaktuar vërtet një “Zeitenëende” (pikë kthese). Në disa vende kandidate dhe edhe tek ne. Ritmi me të cilin në Mal të Zi dhe në Shqipëri, për të marrë dy shembuj, po bëhen reforma dhe po arrihet përparim është vërtet i paprecedentë. Në Shqipëri kemi kaluar nga zero në hapjen e të gjithë kapitujve; ndër të tjera, jemi ndarë në kapituj dhe klasterë, gjë që e kemi bërë në pak më shumë se një vit. Dhe pritshmëria që ka vendi, që ndoshta procesi i negociatave mund të përfundojë në fund të vitit të ardhshëm, sugjeron se duan ta ruajnë këtë ritëm. Mali i Zi ka mbyllur më shumë kapituj; kjo bëhet në fund të negociatave, kapitull pas kapitulli, dhe bëhet në mënyrë të përkohshme. Në fund, shihet nëse gjithçka është në rregull, por ndërkohë ato mbyllen përkohësisht. Ka mbyllur më shumë kapituj në gjashtë muajt e fundit sesa në dhjetë vitet e fundit. Por a po ecin ata më shpejt apo ju? Ata po ecin më shpejt dhe edhe ne po ecim më shpejt në kuptimin që po i ndihmojmë më shumë dhe ekziston një lloj partneriteti ku përpiqemi t’i udhëheqim këto vende në atë që në fund është një proces shumë i ndërlikuar për vetë vendet. Bëhet fjalë për ndryshime jashtëzakonisht të mëdha”,- pohoi Koopman.
gijotina.com/
