Këngëtarja e njohur me famë botërore, Rita Ora, ka treguar mbështetjen e saj të fuqishme për Kosovën dhe Shqipërinë, përmes një postimi në Instagram, vetëm pak orë para ndeshjeve vendimtare që zhvillohen sot.
Në mesazhin e saj, Rita u ka uruar fat të dy përfaqësueseve, duke theksuar shpresën që të shkruajnë historinë dhe të sigurojnë një vend në Kupën e Botës. Postimi shoqërohej me një imazh ku shfaqen futbollistët e Kosovës dhe Shqipërisë, së bashku me mesazhet motivuese: “Forca Kosova” dhe “Forca Shqipëria”.
Reagimi i artistes ka tërhequr menjëherë vëmendjen e tifozëve shqiptarë, të cilët e kanë parë këtë si një shtysë morale të madhe për të dy kombëtaret, në prag të përballjeve që mund të vendosin fatin e kualifikimit.
Rita Ora, e cila vetë ka origjinë nga Kosova, vazhdon të tregojë se është gjithmonë pranë kombit të saj edhe në sport, duke u bërë një mbështetje e rëndësishme për lojtarët dhe tifozët.
