E Ngarkuara me Punë e SHBA-së, Nancy VanHorn dhe ambasadori holandez, Reinout Vos vizituan javën e kaluar Fushën e Gazit në Delvinë. Përmes një postimi në rrjetin social Facebook, Ambasada amerikane shkruan se vizita u zhvillua për të eksploruar mundësitë në sektorin energjetik të Shqipërisë.
Ambasada thekson se presidenti Trump po nxit një epokë të re të rritjes së prodhimit energjetik amerikan, ndërsa shton se investimet amerikane po forcojnë sigurinë energjetike globale.
Postimi i Ambasadës së SHBA në Tiranë:
Presidenti Trump po nxit një epokë të re të rritjes së prodhimit energjetik amerikan, me investimet amerikane që forcojnë sigurinë energjetike globale. Duke theksuar rëndësinë e një mjedisi rregullator transparent për tërheqjen e investimeve ndërkombëtare, e Ngarkuara me Punë Nancy VanHorn dhe Ambasadori holandez Reinout Vos vizituan Fushën e Gazit në Delvinë javën e kaluar për të eksploruar mundësitë në sektorin energjetik të Shqipërisë.
gijotina.com/
