Kreu i PD-së, Sali Berisha, bëri sot edhe një koment për debatin e brendshëm që ka lindur në Partinë Socialiste, pak pasi kreu i grupit Taulant Balla deklaroi se do merreshin masa e do diskutohej mungesa e ish-ministres Elisa Spiropali në seancën parlamentare ku mazhoranca mbrojti Belinda Ballukun, duke mos i hequr imunitetin dhe rrëzuar kërkesën e SPAK.
Lideri i opozitës bëri batuta me kërkesën e Elisa Spiropalit, ndaj Ballës për mbledhjen e grupit dhe diskutime të hapura, duke nënvizuar se “nuk kërkohet debat i hapur në shpellën e mafias”.
“Komenti im është ky, Elisa kërkon qiqra në hell. Elisa kërkon në shpellën e mafies debat të hapur. Pra, kjo është shprehja më e butë që mund të përdorja për kërkesat e Elisës.
Kërkon debat të hapur për Lubinë dhe ia kërkon Taos debatin, në një kohë që e di se Skënderbuçi i saj është kryekëput, është, të themi, Lubia me pantallona.
Ky është komenti.”, iu përgjigj Berisha pyetjes së gazetarëve gjatë konferencës.
