Një aksident është regjistruar mëngjesin e kësaj të enjtem në aksin nacional Berat–Dimal, në Moravë.
Dy automjete janë përplasur me njëra-tjetrën gjatë një tentative për të parakaluar dhe si pasojë kanë mbetur të plagosur drejtuesit e të dy mjeteve.
Sipas policisëm të plagosur kanë mbetur Kristaq Stefa, 69-vjeç, banues në Kuçovë, dhe S.Z., 52-vjeç, banues në Berat. Ata u transportuan fillimisht me ambulancë drejt Spitalit Rajonal Berat, ku pas marrjes së ndihmës së parë mjekësore, janë dërguar në Spitalin e Traumës në Tiranë.
Policia ndodhet në vendngjarje për të përcaktuar shkaqet dhe rrethanat e rastit.
