Mbrëmjen e sotme do të zhvillohen katër ndeshjet e fundit të vlefshme për fazën e 1/8-ave të UEFA Champions League. Sfida mjaft interesante do të luhen, të cilat vlen të theksohet se janë të kthimit.
Duke nisur prej orës 18:45, Barcelona do të presë në shtëpi Newcastle. Sfida e parë përfundoi në barazim 1-1, ndërsa sonte në “Spotify Camp Nou”, do të vendoset çerekfinalisti.
Ndërsa, në orën 21:00, do të luhen 3 sfida të tjera mjaft të bukura. Liverpool do të kërkojë që në shtëpi të përmbysë humbjen 0-1 ndaj Galatasaray në sfidën e parë. Ndërkohë që Tottenham dhe Atletico Madrid, do të luajnë një duel që pothuajse është vendosur në ndeshjen e parë, pasi madrilenët fituan 5-2.
Në ndeshjen tjetër, por jo në më pak të rëndësishmen, Bayern Munich luan në “Allianz Arena” përballë Atalantës, të cilët në Bergamo i mposhti 6-1. Me kualifikimin në “xhep”, bavarezët zbresin sonte për një tjetër rezultat pozitiv, teksa në fazën çerekfinale i pret Real Madrid.
