Nata e së martës solli spektakël të plotë në fazën e 1/8-tës së finales së Champions League.
Katër ndeshje të dyta u zhvilluan sonte nëpër stadiumet e Europës, dhe me to u shpallën edhe katër skuadrat e fundit që do të luajnë në çerekfinale.
Hija e Bernabeut tremb edhe në “Etihad”
Pas fitores 3-0 në “Santiago Bernabeu” javën e kaluar, Real Madrid shkoi në Manchester me avantazhin e garantuar, por “Qytetarët” nuk dorëzuan armët lehtë. Ndeshja e dytë mbaroi 2-1 për madrilenët, duke e mbyllur çiftin me një rezltat të përgjithshëm të thellë 5-1 dhe kështu Real Madrid marshon me autoritet drejt çerekfinaleve.
PSG shkatërron ëndrrën e Chelsea
Ndeshja më e njëanshme e mbrëmjes u luajt në “Stamford Bridge”. PSG-ja e bindur dhe efektive i dha fund çdo shprese londineze shumë herët. Dy gola brenda 14 minutave të para e vendosën ndeshjen, dhe minutës 62 parizienët shënuan edhe të tretin, duke fituar 3-0. Pas humbjes 2-5 që kishin pësuar në Paris, Chelsea doli nga gara me me rezultatin e përgjithshëm demoralizues 2-8. PSG vazhdon si një nga favoritët e fortë të turneut.
Shpërthim i Sporting-ut, eliminohet Bodø/Glimt me 5 gola
Drama më e madhe u shkrua në Lisbonë. Sporting CP, pas humbjes befasuese 0-3 në Norvegji javën e kaluar, duhej të kryente një “rimontë” historike. Dhe e bëri pikërisht këtë me një paraqitje të jashtëzakonshme portugezët shënuan 5 gola pa iu përgjigjur asnjëherë kundërshtarit, duke e shtyrë çiftin në kohë shtesë dhe për të mbyllur rezultatin e përgjithshëm me shifrat 5-3. Goli i fundit erdhi në minutën 120 dhe e çoi Sporting-un në çerekfinale në një nga rikupermet më dramatike të edicionit.
Arsenal-i mposht Leverkusen dhe kualifikohet
“Emirates Stadium” jehoi me gëzim ndërsa “Topçinjtë” e Mikel Arteta ia dolën të mposhtin kampionin gjerman Bayer Leverkusen me rezultatin 2-0. Pas barazimit 1-1 të javës së parë në Gjermani, Arsenal e mbylli çiftin me avantazh të qartë 3-1 në rezultatin e përgjithshëm. Kualifikimi i Arsenalit vjen si konfirmim i një sezoni shumë të fortë europian dhe jep mesazh të qartë gara.
Çerekfinalet marrin formë
Me këto katër çerekfinalistë të konfirmuar sonte Real Madrid, PSG, Arsenal dhe Sporting CP shtrohet rruga drejt fazës tjetër, ku do t’u bashkohen edhe katër skuadrat e tjera që do të përcaktohen nesër.
gijotina.com/
