Një 30-vjeçar është arrestuar nga policia në zonën e tregut elektrik në Tiranë, pasi lëvizte i armatosur me pistoletë në brez.
Policia arriti ta lokalizojë dhe ta ndalojë të riun.
Gjatë kontrollit fizik, 30-vjeçarit me inicialet S. D., banues në Tiranë, iu gjet një pistoletë me municion, të cilën e mbante pa leje.
Arma u sekuestrua si provë materiale.
Në vijim të veprimeve, materialet u referuan në Prokurori.
Ndërkohë, ka nisur procedimi në gjendje të lirë për një 28-vjeçar, me inicialet S. C., i dyshuar për veprën penale “Moskallëzimi i krimit”, pasi dyshohet se kishte dijeni për rastin dhe nuk e ka kallëzuar.
Hetimet vazhdojnë për të sqaruar rrethanat dhe për të përcaktuar qëllimin për të cilin 30-vjeçari mbante armën.
