Një tender i majmë për blerje automjetesh të blinduara ngre dyshime të forta për korrupsion dhe paracaktim të fituesit.
Operatori i Blerjeve të Përqendruara, nën drejtimin e Arlinda Pogajt, qe varet nga ministri Blendi Gonxhe, ka mbyllur procedurën për blerjen e “Autoburgjeve të blinduara BR6”. Fituesi? Kompania “MEKTRIN MOTORS”, në pronësi të Edmond Shahinit.
Edmond Shahini është familjar i kryetares së Bashkisë Durrës, Emiriana Sako.
Për më tepër, kjo kompani ka qenë më parë në pronësi të vetë bashkëshortit të zonjës Sako, duke vërtetuar se paratë publike po qarkullojnë brenda një rrethi të ngushtë familjar e politik.
Vlera fituese: 64,010,000.00 Lekë (pa TVSH). Fondi limit: 66,433,333.00 Lekë (pa TVSH).
Matematika e abuzimit: Fituesi ka marrë plot 96.3% të fondit limit. Në një garë reale, diferenca do të ishte shumë më e madhe, por këtu fituesi “e ka ditur” fiks sa duhet të kërkojë.
Në këtë procedurë kanë marrë pjesë 4 kompani. Por ku qëndron hileja? Njëra nga kompanitë ka dhënë ofertë më të ulët se fituesi, por është sllikualifikuar/injoruar.
Dy kompani të tjera (përfshirë fituesin) kanë dhënë oferta thuajse identike, një teknikë kjo që në gjuhën e prokurimeve njihet si “shoqërim” për të krijuar iluzionin e garës.
gijotina.com/
