Mbrëmjen e sotme rikthehen emocionet e Champions League. Tashmë ekipet zbresin në fushë për të bërë mes tyre llogaritë e fazës “Play-Off” të këtij turneu.
Kështu në program janë 4 ndeshje shumë interesante, të cilat padiskutim marrin vëmendjen e tifozëve. 8 ekipe përplasin “brirët” mes tyre për fitoren, e cila do t’i afronte akoma më shumë me kualifikimin.
Gjithçka do të nisë me duelin Galatasaray – Juventus në orën 18:45, për të vazhduar më pas me 3 supersfida në orën 21:00.
Padiskutim që vëmendja kryesorë e tifozëve do të jetë te dueli Benfica – Real, për shkak edhe të përballjes së disa javëve më parë, ku skuadra portugeze i nxori jashtë 8-shes madrilenët. Ndërkohë vëmendjen e merr edhe derbi francez, ku dy ekipet do të luajnë vetëm për rezultat poziiv, për të vazhduar më pas me përballjen Dortmund – Atalanta, ku Berat Gjimshiti zbret në fushë.
