Milan nuk gabon këtë radhë në Serinë A italiane. Skuadra e Massimiliano Allegrit iu përgjigj fitores së Interit teksa mposhti Bolognën në fushën e kësaj të fundit me rezultatin e pastër 3-0 duke ruajtur diferencën prej 5 pikësh me zikaltrit
Milani priti vetëm 20 minuta për të marrë avantazhin me Loftus Cheek që nuk bëri gabimin e disa minutave më parë teksa me një gjuajtje me të djathtën pas një asisti të Rabiot dërgoi topin në rrjetë për ta cuar rezultatin 1-0 për kuqezinjtë. Bologna bëri një tentativë me Odgaard me një gjuajtje me të majtën në zonë por pa sukses.
Në minutën e 36 Milani fitoi një 11 metërsh pas një topi të prekur me dorë nga Ravaglia. Nkunku shkoi te pika e bardhë dhe u tregua i saktë duke e çuar rezultatin në 2-0 për Milanin dhe me këto shifra skuadrat shkuan në pushim të ndeshjes.
Pjesa e dytë nisi menjëherë me gol dhe ishte Milani ai që e shënoi atë pikërisht me Adrien Rabiot që e çoi rezultatin në 3-0. Pas këtij momenti gjërat nuk ndryshuan më me Milanin që mori këtë fitore që e çon në kuotën e 50 pikëve në vendin e dytë, ndërsa Bologna mbetet me 30 pikë në vendin e 10.
gijotina.com
