Kjo e shtunë e Kategorisë Superiore mund të konsiderohet si dita e barazimeve. Pas partizani-Elbasani dhe Vora-Flamurtari edhe ndeshja mes Dinamos dhe Bylisit nuk pati një fitues me skuadrat që dolën nga fusha e lojës me nga vetëm 1 pikë.
Në sfidën e zhvilluar në ‘Air Albania Stadium’ kjo sfidë u mbyll me barazimin 0-0 ku pati edhe një gol të anuluar
Në pjesën e parë të ndeshjes të dyja skuadrat patën shanset e tyre ku për Dinamon spikati Dejvi Bregu, ndërkohë që në krahun tjetër, Rabiu ishte ai që u shfaq më rrezikshëm në portën e mbrojtur nga Teqja.
Skuadrat i vijuan tentativat e tyre edhe në pjesën e dytë, madje në minutën e 67 Dinamo arriti të dërgojë topin në rrjetë me Koma pas një veprimi të bukur të Nezirit në fundore, por ky gol u anulua pasi topi kishte kaluar vijën kufizuese të fushës. Në fund, pavarësisht përpjekjeve të të dyja skuadrave, kjo ndeshje përfundoi me barazimin pa gola 0-0.
Pas këtij rezultati, Dinamo shkon në 34 pikë dhe vazhdon te jetë në vendin e 4-t, ndërsa Bylis shkon në kuotën e 20 pikëve në vendin e 8 të klasifikimit
