Në Riga të Letonisë u mbajt Samiti mes Kinës dhe 16 vendeve të Europës Qendrore dhe Lindore, ku merr pjesë edhe Kryeministri Edi Rama.
Nisma synon që të thellojë e të zgjerojë bashkëpunimin mes vendeve pjesëmarrëse, si energjia, infrastruktura, bujqësia shëndetësia e të tjera, nga të cilat 11 janë vende anëtare të Bashkimit Europian.
Para samitit, kreu i qeverisë shqiptare zhvilloi një takim me homologun e tij kinez Li Keqiang, ku nënvizoi marrëdhëniet mes dy vendeve, që shërbejnë si bazë për bashkëpunimin ekonomik e tregtar.
Kryeministri Rama vlerësoi interesin e qeverisë kineze ndaj kompanive shtetërore e private për të investuar në Shqipëri duke përmendur kompaninë “China Everbright”, që ka blerë Aeroportin e Rinasit apo kompaninë “Geo-Jade Petrolium Corporation” që ka marrë në pronësi Bankers Petrolium.
Nga ana e tij, Li Keqiang e siguroi kryeministrin Rama se Kina do të vazhdojë të investojë në Shqipëri edhe në fusha të tjera, si energjia dhe infrastruktura.
Sot Kina renditet si partneri i dytë tregtar më i madh i Shqipërisë.
/topchannel/
