Kreu i Partisë Demokratike, Sali Berisha, ka ironizuar përmes rrjeteve sociale zhvillimet e fundit që lidhen me zv/kryeministren Belinda Balluku, ndaj së cilës SPAK ka kërkuar heqjen e imunitetit me qëllim arrestimin.
Berisha ka publikuar një video ku shfaqet kreu i grupit parlamentar socialist, Taulant Balla, teksa këndon këngën “Bella Ciao” gjatë një feste.
Në komentet që shoqërojnë videon, Berisha e lidh këtë pamje me situatën e Ballukut, duke e interpretuar si një ironi në momentin kur ajo përballet me një vendimmarrje të rëndësishme të drejtësisë.
Këshilli i Mandateve që do shqyrtojë kërkesën e SPAK do mblidhet të premten dhe do vendosë nëse do e lëshojë Ballukun në duart e SPAK apo do e mbajë ende në mazhorancë dhe në krye të qeverisë.
