Kryebashkiaku i Tiranës, Erion Veliaj nuk i lëshon bashkëpunëtorët e vjetër në afera. Kontratën e fundit Bashkia Tiranë e ka firmosur me kompaninë “ALMEXWOOD” SHPK, të cilës prej vitesh i ka ndarë fondet e tenderëve për lëndë djegëse, prerje drurësh e të tjerë.
Bashkëpunimet mes Veliaj dhe Eral Myftarajt ishin ngrirë për një fare kohe për shkak të një skandali që ndodhi në vitin e shkuar, për një tender të Bashkisë Tiranë.
Tashmë Veliaj e ka rikthyer lidhjen e vjetër përmes tenderit me objekt ‘Blerje lëndë djegëse pellet për ngrohje dhe shpërndarje në objektet arsimore’. Sipas të dhënave në dokument do të blihen 1 102 841 kg pellet për ngrohje, që do të përdoret në dy shkolla, një kopsht dhe dy çerdhe në Tiranë. Kaq institucione arsimore i ka vetëm një lagje, imagjinoni. pastaj sa do të jepen shpenzimet për çdo shkollë e çerdhe në kryeqytet.
Vetëm për shpenzimet në këto 5 institucione Veliaj ka vendosur të shpenzojë 661 milionë lekë.
“Flamuri i Kuq” që i është vënë kontratës për shkelje të ligjit nga Open Data Albania, është shenja e riskut të korrupsionit. “Gara” ka qëndruar e hapur për një muaj dhe tenderi është mbajtur më datë 16 shtator 2024. Interesi nga operatorët ishte i mjaftueshëm pasi u dorëzuan 5 oferta për këtë prokurim.
Këta operatorë ekonomik nuk u morën në konsideratë nga komisioni i vlerësimet, pasi dihej fituesi qysh më parë. Prandaj shohim se 4 prej ofertave u skualifikuan që në fazën e parë, përfshirë edhe FIRMA ALCANI sh.p.k , ALBA PALLETS & PELLETS sh.p.k, të cilët kishin ofertat më ekonomike, por rezultuan “anomalisht të ulëta”. Kjo është e pritshme, për aq kohë sa fondi limit rritet pa pyetur për tregun.
Në këtë mënyrë iu hap rruga ofertës së Myftarajt me vlerë 441 milionë lekë.
ALMEXWOOD SHPK u shpall menjëherë fitues pa u përballur me ndonjë konkurrent dhe më datë 21 tetor 2024 është bërë publike kontrata.
Kjo kompani regjistron rreth 5 milionë euro fonde të marra nga buxheti i shteti në 4 vitet e fundit, ku pjesa më e madhe janë përfituar nga tenderët me bashkinë Tiranë.
Sikur e përmendëm pak në fillim të artikullit një vit më parë Myftaraj dhe një mik tjetër i Veliajt u përplasën për një tender me vlerë 1 milionë euro për dru zjarri në shkolla. ALMEXWOOD SHPK kishte marrë pjesë në këtë garë, ndërsa pronarët e kompanisë ‘Alcani Sh.p.k.’ Shaqir dhe Algert Alcani, e kërcënonin që të largohet nga gara. Të dyja këto firma janë gostitur shpesh nga Veliaj me tenderë dhe të dyja e dinin mirë se si funksionon marrja e prokurimeve, prandaj arritën tek kërcënimet.
Kjo çështje shkoi në gjykatë dhe biznesmenët Alcani u arrestuan, ndërsa Myftaraj vazhdon pazaret me Veliajn.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
