Tre nga 8 të plagosurit, si pasojë e një shpërthimi që tronditi qytetin e Lushnjes, pasditen e sotme, janë transportuar drejt spitalit të Traumës në Tiranë, për një ndërhyrje më të specializuar mjekësore.
Si pasojë e shpërthimit humbi jetën shtetasi Landi Verçani, i cili dyshohet se ishte në drejtimin e një ekskavatori, që ra në kontakt me një linjë të tensionit të lartë, e cila pas këputjes ka shkaktuar shpërthimin e fuqishëm. Gjithashtu një prej të plagosurve rëndë është edhe djali i viktimës, që ndodhej në mjetin që ka rënë në kontakt me linjën e tensionit të lartë.
Sipas ministrit të Brendshëm, Taulant Balla, 3 nga të plagosurit janë transportuar drejt spitalit të Traumës, mes të cilëve është edhe deputeti socialist Bujar Çela. Ky i fundit, sipas Ballës, ndodhej pranë vendit të ngjarjes.
“Në zonën industriale të Lushnjes pranë një kompleksi magazinash dyshohet se ndodhi një shpërthim i shkaktuar ndoshta nga kontakti me linjën e tensionit të lartë që më pas ka shkarkuar rrymën dhe ka sjellë shpërthimin e një ekskavatori, drejtuesi i të cilit ka humbur menjëherë jetën. Është plagosur rëndë një tjetër person që gjendej aty pranë i cili dyshohet se është i biri i viktimës.
Bujar Çela ka marrë një plagë për shkak të shpërthimit, dhe mund të them se plaga është arritur të izolohet dhe deputeti është nisur për një trajtim më të specializuar pranë spitalit të Traumës. Në total janë tre të palgosur që janë pranë Traumës”, tha Balla.
Ndërkohë nga raportimet e para, Çela iu nënshtrua një ndërhyrje kirurgjikale, në spitalin e Lushnjes, ndërsa gjendja e tij shëndetësore vlerësohet si jashtë rrezikut për jetën. Gjithsesi bluzat e bardha në Lushnje kanë vendosur që ai të transportohej për një shërbim më të specializuar drejt Traumës në Tiranë.
Të plagosurit e tjerë po marrin trajtim në spitalet e Lushnjes dhe Fierit, ndërsa gjendja e tyre paraqitet e stabilzuar.
Prokuroria dhe Policia kanë nisur një hetim lidhur me ngjarjen, e cila deri në këto momente klasifikohet si aksidentale.
Tre nga 8 të plagosurit, si pasojë e një shpërthimi që tronditi qytetin e Lushnjes, pasditen e sotme, janë transportuar drejt spitalit të Traumës në Tiranë, për një ndërhyrje më të specializuar mjekësore.
Si pasojë e shpërthimit humbi jetën shtetasi Landi Verçani, i cili dyshohet se ishte në drejtimin e një ekskavatori, që ra në kontakt me një linjë të tensionit të lartë, e cila pas këputjes ka shkaktuar shpërthimin e fuqishëm. Gjithashtu një prej të plagosurve rëndë është edhe djali i viktimës, që ndodhej në mjetin që ka rënë në kontakt me linjën e tensionit të lartë.
Sipas ministrit të Brendshëm, Taulant Balla, 3 nga të plagosurit janë transportuar drejt spitalit të Traumës, mes të cilëve është edhe deputeti socialist Bujar Çela. Ky i fundit, sipas Ballës, ndodhej pranë vendit të ngjarjes.
“Në zonën industriale të Lushnjes pranë një kompleksi magazinash dyshohet se ndodhi një shpërthim i shkaktuar ndoshta nga kontakti me linjën e tensionit të lartë që më pas ka shkarkuar rrymën dhe ka sjellë shpërthimin e një ekskavatori, drejtuesi i të cilit ka humbur menjëherë jetën. Është plagosur rëndë një tjetër person që gjendej aty pranë i cili dyshohet se është i biri i viktimës.
Bujar Çela ka marrë një plagë për shkak të shpërthimit, dhe mund të them se plaga është arritur të izolohet dhe deputeti është nisur për një trajtim më të specializuar pranë spitalit të Traumës. Në total janë tre të palgosur që janë pranë Traumës”, tha Balla.
Ndërkohë nga raportimet e para, Çela iu nënshtrua një ndërhyrje kirurgjikale, në spitalin e Lushnjes, ndërsa gjendja e tij shëndetësore vlerësohet si jashtë rrezikut për jetën. Gjithsesi bluzat e bardha në Lushnje kanë vendosur që ai të transportohej për një shërbim më të specializuar drejt Traumës në Tiranë.
Të plagosurit e tjerë po marrin trajtim në spitalet e Lushnjes dhe Fierit, ndërsa gjendja e tyre paraqitet e stabilzuar.
Prokuroria dhe Policia kanë nisur një hetim lidhur me ngjarjen, e cila deri në këto momente klasifikohet si aksidentale.
