Gjykata e Lartë do e shqyrtojë në seancë publike çështjen e tragjedisë së 21 janarit 2011, ndërsa do të thirren të gjitha palët e interesuara. Seanca do të mbahet më 12 mars ora 13:00, ndërsa vendimi u morr sot në dhomë këshillimi, pas rekursit të familjes Nika dhe konkretisht të bashkëshortes së Aleks Nikës, Rajmonda Nika, e cila gjatë në vitin 2023 ka kundërshtuar vendimin e SPAK, që shpalli moskopetencën dhe ia kaloi çështjen për hetim prokurorisë së Tiranës.
Me vendimin e sotëm të Gjykatës së Lartë, të gjitha palët e interesuara do të jenë prezente në gjykim, ndërsa do të jetë ky gjykim që do të vendosë nëse çështja do të hetohet nga SPAK apo nga Prokuroria e Tiranës.
Familjarët e Aleks Nikës pretendojnë që hetimi të kryhet nga SPAK dhe për çështjen në fjalë të thirren zyrtarët e lartë të asaj kohe, përfshi ish-Kryeministrin Sali Berisha, ish-ministrin e Brendshëm Lulzim Basha, ish-komandantin e Gardës, Ndrea Prendi.
Në nëntor 2023, Gjykata e Strasburgut shpalli vendimin e radhës për Aleks Nikën, duke gjetur si shkelje mos hetimin dhe mos zbardhjen e vrasjes së tij. Prej vitesh, prokuroria e Tiranës e ka hapur e pezulluar disa herë hetimin për zbardhjen e dy vrasjeve, atë të Hekuran Dedës dhe të Aleks Nikës, por rezultatet kanë qenë vetëm në kuadrin e akuzave nga ana e qeverisë ndaj prokurorëve të kryeqytetit.
Megjithatë, veç dënimit të Ndrea Prendit dhe Agim Llupos për vrasjen e Faik Myrtajt dhe Ziver Veizit, fakt është që drejtësia në Shqipëri për më shumë se një dekadë ka dështuar të gjejë se kush i vrau Hekuran Dedën dhe Aleks Nikën, raporton TCH.
Gjykata e Lartë do e shqyrtojë në seancë publike çështjen e tragjedisë së 21 janarit 2011, ndërsa do të thirren të gjitha palët e interesuara. Seanca do të mbahet më 12 mars ora 13:00, ndërsa vendimi u morr sot në dhomë këshillimi, pas rekursit të familjes Nika dhe konkretisht të bashkëshortes së Aleks Nikës, Rajmonda Nika, e cila gjatë në vitin 2023 ka kundërshtuar vendimin e SPAK, që shpalli moskopetencën dhe ia kaloi çështjen për hetim prokurorisë së Tiranës.
Me vendimin e sotëm të Gjykatës së Lartë, të gjitha palët e interesuara do të jenë prezente në gjykim, ndërsa do të jetë ky gjykim që do të vendosë nëse çështja do të hetohet nga SPAK apo nga Prokuroria e Tiranës.
Familjarët e Aleks Nikës pretendojnë që hetimi të kryhet nga SPAK dhe për çështjen në fjalë të thirren zyrtarët e lartë të asaj kohe, përfshi ish-Kryeministrin Sali Berisha, ish-ministrin e Brendshëm Lulzim Basha, ish-komandantin e Gardës, Ndrea Prendi.
Në nëntor 2023, Gjykata e Strasburgut shpalli vendimin e radhës për Aleks Nikën, duke gjetur si shkelje mos hetimin dhe mos zbardhjen e vrasjes së tij. Prej vitesh, prokuroria e Tiranës e ka hapur e pezulluar disa herë hetimin për zbardhjen e dy vrasjeve, atë të Hekuran Dedës dhe të Aleks Nikës, por rezultatet kanë qenë vetëm në kuadrin e akuzave nga ana e qeverisë ndaj prokurorëve të kryeqytetit.
Megjithatë, veç dënimit të Ndrea Prendit dhe Agim Llupos për vrasjen e Faik Myrtajt dhe Ziver Veizit, fakt është që drejtësia në Shqipëri për më shumë se një dekadë ka dështuar të gjejë se kush i vrau Hekuran Dedën dhe Aleks Nikën, raporton TCH.
