Policia e Tiranës ka vënë në pranga një 42-vjeçar banues në Vlorë, pasi dyshohet se ndërhynte në sistemet kompjuterike të aplikacionit “Booking” dhe mashtronte shtetas të ndryshëm, për të përfituar para.
“Hakeri” vlonjat kishte mundur të depërtonte në sistemin e aplikacionit “Booking” të një hoteli në Tiranë, duke marrë në posedim të dhënat e klientëve dhe më pas i dërgonte e-mail duke i mashtruar për të përfituar shuma të ndryshme parash prej tyre.
Njoftimi i policisë
Specialistët e Seksionit për Hetimin e Mashtrimeve Kibernetike, në Sektorin për Hetimin e Krimeve Kibernetike, në vijim të punës për goditjen e veprimtarive kriminale në fushën e krimeve kibernetike, kanë organizuar dhe finalizuar operacionin policor të koduar “Man in the middle”.
Si rezultat i këtij operacioni u ndalua 42-vjeçari, banues në Vlorë. Ky shtetas, nëpërmjet ndërhyrjeve në sistemet kompjuterike, ka mundur të depërtojë në sistemin e aplikacionit “Booking”, të një hoteli në Tiranë, duke marrë në posedim të dhënat e klientëve. Më pas u dërgonte e-mail, duke i mashtruar online, për të përfituar shuma të ndryshme parash prej tyre.
Materialet procedurale i kaluan Prokurorisë pranë Gjykatës së Shkallës së Parë së Juridiksionit të Përgjithshëm Tiranë, për veprat penale “Mashtrimi kompjuterik’, “Falsifikimi kompjuterik” dhe “Ndërhyrja në të dhënat kompjuterike”.
Ndërkohë uniformat blu bëjnë me dije se vijon puna për identifikimin e shtetasve të tjerë të përfshirë në këtë veprimtari kriminale.
Policia e Tiranës ka vënë në pranga një 42-vjeçar banues në Vlorë, pasi dyshohet se ndërhynte në sistemet kompjuterike të aplikacionit “Booking” dhe mashtronte shtetas të ndryshëm, për të përfituar para.
“Hakeri” vlonjat kishte mundur të depërtonte në sistemin e aplikacionit “Booking” të një hoteli në Tiranë, duke marrë në posedim të dhënat e klientëve dhe më pas i dërgonte e-mail duke i mashtruar për të përfituar shuma të ndryshme parash prej tyre.
Njoftimi i policisë
Specialistët e Seksionit për Hetimin e Mashtrimeve Kibernetike, në Sektorin për Hetimin e Krimeve Kibernetike, në vijim të punës për goditjen e veprimtarive kriminale në fushën e krimeve kibernetike, kanë organizuar dhe finalizuar operacionin policor të koduar “Man in the middle”.
Si rezultat i këtij operacioni u ndalua 42-vjeçari, banues në Vlorë. Ky shtetas, nëpërmjet ndërhyrjeve në sistemet kompjuterike, ka mundur të depërtojë në sistemin e aplikacionit “Booking”, të një hoteli në Tiranë, duke marrë në posedim të dhënat e klientëve. Më pas u dërgonte e-mail, duke i mashtruar online, për të përfituar shuma të ndryshme parash prej tyre.
Materialet procedurale i kaluan Prokurorisë pranë Gjykatës së Shkallës së Parë së Juridiksionit të Përgjithshëm Tiranë, për veprat penale “Mashtrimi kompjuterik’, “Falsifikimi kompjuterik” dhe “Ndërhyrja në të dhënat kompjuterike”.
Ndërkohë uniformat blu bëjnë me dije se vijon puna për identifikimin e shtetasve të tjerë të përfshirë në këtë veprimtari kriminale.
