Kreu i LZHK-së, Dashamir Shehi, ka deklaruar sot se është kundër kundër deputetëve demokratë, lidhur me vendimin për mos qenë pjesë e Parlamentit.
Shehi u shpreh se Parlamenti është një instrument me rëndësi, ndaj, në këtë mënyrë, opozita po humb një mundësi të madhe për të mbrojtur qytetarët.
“U bë shumë kohë që kur kemi dalë nga Parlamenti. S’po bëhet jetë reale politike në Shqipëri dhe kemi humb një mundësi të madhe që ka opozita për të folur në Kuvend, për të diskutuar ligjet e për të mbrojtur qytetarët. Parlamenti është institucioni më i lartë që ka Shqipëria.
Ky lloj instrumenti politik s’ka leverdi, nëse nuk kemi Parlament tani, ne nuk po i mbyllim gojën Ramës, por vetes sonë. Unë jam pro kthimit në Parlament, ndryshe nga kolegët e mi,”- tha Shehi për Fax News
Shehi shtoi se do ta votojë amnistinë, duke e konsideruar si një gjest faljeje, që duhet bërë nga i gjithë shteti shqiptar për qytetarët, e jo vetëm nga partia.
“Amnistinë do ta votoj edhe unë, sepse në princip nuk ka asgjë kundër. Të vijnë në Parlament, ta diskutojmë seriozisht si e mendojmë, ta diskutojmë dhe të negociojmë.
Nëse do të bëhet amnistia me përzgjedhje, kush grup do fitojë e kush jo, do ta humbë seriozitetin e saj. Amnistia është si një lloj faljeje, e kemi marrë parasysh që janë bërë krime, por është më mirë të jenë jashtë.
Unë do i ftoja ta votojnë amnistinë, të biem dakord. Kjo është një falje që e bën parlamenti, nuk e ben partia; e bën shteti shqiptar për popullin e vet”, u shpreh ai.
The post “Do votoj pro Amnistisë”, Shehi: T’i kthehemi jetës parlamentare… appeared first on 27.
