Dinamo është rikthyer te fitorja në kampionat, duke mundur 0-1 Skënderbeun në Korçë.
Goli i vetëm i takimit u realizua me 11-metërsh nga Vila në pjesën e dytë të takimit.
Me fitoren e sotme, Dinamo është në vendin e katërt me 35 pikë. Skënderbeu është në vendin e gjashtë me 31 pikë.
Në përfundim të ndeshjes, pati tensione mes një grupi tifozësh të Skënderbeut dhe Presidentit të Dinamos, Adrian Bardhi. Ky i fundit u përball me situatën e pakëndshme, kur tifozët korçarë, të cilët të pakënaqur me arbitrimin e ndeshjes, kanë shfryrë ndaj drejtuesit të klubit blu.
