Vjen edhe zyrtarizimi i transferimit të Ernest Muçit te Besiktasi në Superligën turke, klub që do të paguajë 10 milionë euro në arkat e Legias së Varshavës për shërbimet e 22-vjeçarit.
Sulmuesi i kombëtares shqiptare (7 ndeshje dhe 2 gola me kuqezinjtë) do të jetë pjesë e skuadrës nga Stambolli deri në verën e vitit 2027.
Nga ky operacion do të përfitojë edhe Tirana, që ka ruajtur 10% të kartonit të Muçit, pra 1 milion Euro do të shkojnë në “xhepat” e klubit kryeqytetas.
Talenti shqiptar do të përfitojë rreth 1.8 milionë euro në sezon nga kontrata me Besiktasin.
Te Besiktas, Muçi do ta gjej yllin shqiptar të përfaqësueses së Kosovës, Milot Rashica.
“Mirë se vjen te Besiktasi“, lexohet mbi videon e 16 herë kampionëve të Turqisë në rrjetet sociale.
Beşiktaş’a hoş geldin Ernest Muci! 🦅 pic.twitter.com/sVVoqznjON
— Beşiktaş JK (@Besiktas) February 9, 2024
