Grupi i Albi Nakos fitoi sfidën e kërcimit të “Dancing With Big Brother”.
Fituesi u shpall në bazë të pëlqimeve që koreografitë e dy grupeve grumbulluan në rrjetet sociale. Në rrjetin social “Instagram”, videoja e grupit të Albit numëron gati 122 mijë like, ndërsa videoja e grupit të Gracianos ka mbi 52 mijë pëlqime. Diferenca mes dy grupeve është e madhe, ndërkohë që Vëllai i Madh njoftoi se buxheti i javës vlen vetëm për fituesit.
“Banorë, publiku ka vendosur përmes rrjeteve sociale që grupi fitues i ‘Dancing With Big Brother’, të jetë skuadra e Albit. Vetëm ky grup do të ketë buxhet për javën e ardhshme dhe mund të zgjedhë nëse do ta ndajë me të tjerët”, thuhet në zarfin e bardhë.
Konkurrentët zgjodhën sot edhe liderin e ri. Me shumicë votash, ata caktuan Vesa Smolicën si lideren e shtëpisë. Këngëtarja do të jetë një rol të rëndësishëm në spektaklin e të martës.
