Armando Broja është zyrtarisht futbollist i Fulhamit, që arriti marrëveshjen me Chelsean për ta marrë në huazim deri në fund të sezonit, për shifrën e 4 milionë paundëve.
Sulmuesi 22-vjeçar shqiptar ka kaluar me sukses testet mjekësore dhe ka firmosur kontratën me londinezët, teksa mësohet se ai do të mbajë numrin 9 mbi fanellë.
Ky numër ka qenë i lirë të Fulham dhe tashmë do ta mbajë mbi shpinë Armando Broja, që në fushë do të ketë detyrë të udhëheqë sulmin e klubit londinez.
Broja kishte oferta të shumta për t’u huazuar për pjesën e mbetur të sezonit, por bashkë me Chelsean, zgjodhën Fulhamin, që ofronte më shumë garanci aktivizimi, aspekt ky mjaft i rëndësishëm për sulmuesin shqiptar, që vjen pas një dëmtimi të rëndë.
Broja pritet të grumbullohet që për sfidën e të shtunës ndaj Burnleyt në transfertë, megjithatë gjasat janë që debutimi të vijë një javë më vonë, në “Craven Cottage” para tifozerisë së Fulham, në ndeshjen ndaj Bournemouth.
Por në Angli kanë zbuluar një marrëveshje interesante mes dy klubeve sa i përket huazimit të Brojës.
Nëse sulmuesi shqiptar luan 10 ndeshje si titullar minimum te Fulham, atëherë Chelsea nuk do ta marrë asnjë euro nga huazimi i tij.
Ky vendim i Chelseat është në mënyrë që Broja të ketë sa më shumë hapësira te rivali lokal, pasi drejtuesit e “Bluve” besojnë shumë te shqiptari dhe duan ta kenë të gatshëm për sezonin e ri.
Sigurisht që i lumtur me këtë marrëveshje është Broja i cili do të ketë më shumë hapësira dhe do të jetë i gatshëm për Shqipërinë në Euro 2024.
Armando Broja është zyrtarisht futbollist i Fulhamit, që arriti marrëveshjen me Chelsean për ta marrë në huazim deri në fund të sezonit, për shifrën e 4 milionë paundëve.
Sulmuesi 22-vjeçar shqiptar ka kaluar me sukses testet mjekësore dhe ka firmosur kontratën me londinezët, teksa mësohet se ai do të mbajë numrin 9 mbi fanellë.
Ky numër ka qenë i lirë të Fulham dhe tashmë do ta mbajë mbi shpinë Armando Broja, që në fushë do të ketë detyrë të udhëheqë sulmin e klubit londinez.
Broja kishte oferta të shumta për t’u huazuar për pjesën e mbetur të sezonit, por bashkë me Chelsean, zgjodhën Fulhamin, që ofronte më shumë garanci aktivizimi, aspekt ky mjaft i rëndësishëm për sulmuesin shqiptar, që vjen pas një dëmtimi të rëndë.
Broja pritet të grumbullohet që për sfidën e të shtunës ndaj Burnleyt në transfertë, megjithatë gjasat janë që debutimi të vijë një javë më vonë, në “Craven Cottage” para tifozerisë së Fulham, në ndeshjen ndaj Bournemouth.
Por në Angli kanë zbuluar një marrëveshje interesante mes dy klubeve sa i përket huazimit të Brojës.
Nëse sulmuesi shqiptar luan 10 ndeshje si titullar minimum te Fulham, atëherë Chelsea nuk do ta marrë asnjë euro nga huazimi i tij.
Ky vendim i Chelseat është në mënyrë që Broja të ketë sa më shumë hapësira te rivali lokal, pasi drejtuesit e “Bluve” besojnë shumë te shqiptari dhe duan ta kenë të gatshëm për sezonin e ri.
Sigurisht që i lumtur me këtë marrëveshje është Broja i cili do të ketë më shumë hapësira dhe do të jetë i gatshëm për Shqipërinë në Euro 2024.
