Drejtori i Inteligjencës Kombëtare të Shteteve të Bashkuara, James Clapper, ka thënë se Rusia mbetet e fokusuar në ndjekjen e një “politike të jashtme agresive”.
Duke folur në një fjalim para Kongresit, ai tha se, pavarësisht dhunës së reduktuar midis forcave të Ukrainës dhe separatistëve pro-rusë në lindje të Ukrainës, Kremlini do të vazhdojë të ruajë “ndikimin afatgjatë mbi Keivin” dhe të pengojë “përpjekjet e Ukrainës për t’u integruar me institucionet perëndimore”.
Clapper tha se Rusia do të rrisë presionin mbi shtetet fqinje për t’iu bashkuar Unionit Ekonomik Euroaziatik, të udhëhequr nga Moska.
Ish-republikat sovjetike, Armenia, Bjellorusia, Kazakistani dhe Kirgizia i janë bashkuar tashmë këtij unioni.
