Rrjeti SafeJournalists, Organizatat Partnere të Platformës MFRR dhe RSF, i dërguan një letër të hapur kreut të SPAK në Shqipëri, Altin Dumani, në lidhje me vendimet e marra ndaj gazetarit Elton Qyno.
Vendimi për të sekuestruar pajisjet e gazetarit dhe për t’i bërë presion atij për të treguar burimet e tij është një çështje alarmante e rëndësishme për organizatat e përkushtuara për mbrojtjen e të drejtave të gazetarëve, lirisë së medias dhe integritetit gazetaresk.
Sipas SafeJournalist, veprimet e kryera ndaj gazetarit Qyno, që përfshijnë kontrollin e banesës dhe zyrës së tij, sekuestrimin e pajisjeve personale dhe profesionale, përbëjnë një precedent shqetësues. Masa të tilla do të ndikojnë në të drejtat e gazetarëve dhe lirinë e medias në Shqipëri dhe më gjerë.
Përmes letrës i kanë kërkuar SPAK-ut të rivlerësojë qasjen e tij në këtë rast.
“Kthimi i pajisjeve të sekuestruara gazetarit dhe ndërprerja e të gjitha përpjekjeve për të zbuluar burimet e tij do të tregonte mirëkuptim, respektim dhe mbrojtje të lirisë së medias dhe mbrojtjes së burimeve gazetareske në Shqipëri. Kjo qasje do të përputhej me standardet e vendosura nga Gjykata Evropiane e të Drejtave të Njeriut dhe entitete të tjera ndërkombëtare të dedikuara për lirinë e medias.
Në fund i bëjnë thirrje SPAK-ut të ketë prioritet mbrojtjen e burimeve gazetareske, gjë që është thelbësore për ruajtjen e lirisë së shtypit dhe parimeve demokratike. Marrëdhënia e besimit midis gazetarëve, burimeve të tyre, publikut dhe zbatimit të ligjit varet shumë nga respektimi dhe ruajtja e këtyre vlerave”, thuhet në letrën e hapur.
Rrjeti SafeJournalists, Organizatat Partnere të Platformës MFRR dhe RSF, i dërguan një letër të hapur kreut të SPAK në Shqipëri, Altin Dumani, në lidhje me vendimet e marra ndaj gazetarit Elton Qyno.
Vendimi për të sekuestruar pajisjet e gazetarit dhe për t’i bërë presion atij për të treguar burimet e tij është një çështje alarmante e rëndësishme për organizatat e përkushtuara për mbrojtjen e të drejtave të gazetarëve, lirisë së medias dhe integritetit gazetaresk.
Sipas SafeJournalist, veprimet e kryera ndaj gazetarit Qyno, që përfshijnë kontrollin e banesës dhe zyrës së tij, sekuestrimin e pajisjeve personale dhe profesionale, përbëjnë një precedent shqetësues. Masa të tilla do të ndikojnë në të drejtat e gazetarëve dhe lirinë e medias në Shqipëri dhe më gjerë.
Përmes letrës i kanë kërkuar SPAK-ut të rivlerësojë qasjen e tij në këtë rast.
“Kthimi i pajisjeve të sekuestruara gazetarit dhe ndërprerja e të gjitha përpjekjeve për të zbuluar burimet e tij do të tregonte mirëkuptim, respektim dhe mbrojtje të lirisë së medias dhe mbrojtjes së burimeve gazetareske në Shqipëri. Kjo qasje do të përputhej me standardet e vendosura nga Gjykata Evropiane e të Drejtave të Njeriut dhe entitete të tjera ndërkombëtare të dedikuara për lirinë e medias.
Në fund i bëjnë thirrje SPAK-ut të ketë prioritet mbrojtjen e burimeve gazetareske, gjë që është thelbësore për ruajtjen e lirisë së shtypit dhe parimeve demokratike. Marrëdhënia e besimit midis gazetarëve, burimeve të tyre, publikut dhe zbatimit të ligjit varet shumë nga respektimi dhe ruajtja e këtyre vlerave”, thuhet në letrën e hapur.
