Nata e ndërrimit të viteve është shoqëruar me incidente në kryeqytetin shqiptar, Tiranë, edhe pse u raportua më parë marrja e masave nga Policia e Shtetit për festime sa më të qeta.
Por duket se bashkë me fishekzjarret, ka pasur edhe të shtëna me armë, ndërsa dy qytetarë në qendër të Tiranës raportohen të jenë dëmtuar nga plumbat qorr.
Policia zyrtarisht ka njoftuar mbi plagosjen e një shtetaseje italiane, në bulevardin Zogu I, e cila u dëmtua nga një plumb qorr.
“Më datë 01.01.2024, rreth orës 00:35, në bulevardin “Zogu I”, është dëmtuar dyshohet me armë zjarri, me vrimë hyrje nga lart-poshtë, me burim zjarri ende të paidentifikuar, shtetasja e huaj. A. K., 51 vjeçe, e cila ndodhet në spital e cila ka marrë ndihmën mjekësore dhe ndodhet jashtë rrezikut për jetën.
Dyshohet se plaga mund të jetë shkaktuar nga një predhë e kalibrit të vogel e ardhur nga lartësia.
Grupi hetimor në drejtimin e Prokurorit po punon për sqarimin e plotë të rrethanave të ngjarjes”, njoftoi Policia.
Por referuar raportimeve nga mediat, një tjetër shtetas, i cili ndodhej pranë Piramidës, shumë pranë godinave qeveritare, ka mbetur i plagosur me armë zjarri, po nga një plumb qorr.
Në rastin e shtetases italiane dyshohet të jetë qëlluar nga një makinë në lëvizje, ndërkohë që po vijon kqyrja e kamerave të sigurisë aty pranë. Policia është treguar e rezervuar lidhur me plagosjen e italianes, e cila ishte duke ecur në korsinë e bicikletave në bulevard, pranë Ministrisë së Drejtësisë, kur u godit nga plumbi.
Nata e ndërrimit të viteve është shoqëruar me incidente në kryeqytetin shqiptar, Tiranë, edhe pse u raportua më parë marrja e masave nga Policia e Shtetit për festime sa më të qeta.
Por duket se bashkë me fishekzjarret, ka pasur edhe të shtëna me armë, ndërsa dy qytetarë në qendër të Tiranës raportohen të jenë dëmtuar nga plumbat qorr.
Policia zyrtarisht ka njoftuar mbi plagosjen e një shtetaseje italiane, në bulevardin Zogu I, e cila u dëmtua nga një plumb qorr.
“Më datë 01.01.2024, rreth orës 00:35, në bulevardin “Zogu I”, është dëmtuar dyshohet me armë zjarri, me vrimë hyrje nga lart-poshtë, me burim zjarri ende të paidentifikuar, shtetasja e huaj. A. K., 51 vjeçe, e cila ndodhet në spital e cila ka marrë ndihmën mjekësore dhe ndodhet jashtë rrezikut për jetën.
Dyshohet se plaga mund të jetë shkaktuar nga një predhë e kalibrit të vogel e ardhur nga lartësia.
Grupi hetimor në drejtimin e Prokurorit po punon për sqarimin e plotë të rrethanave të ngjarjes”, njoftoi Policia.
Por referuar raportimeve nga mediat, një tjetër shtetas, i cili ndodhej pranë Piramidës, shumë pranë godinave qeveritare, ka mbetur i plagosur me armë zjarri, po nga një plumb qorr.
Në rastin e shtetases italiane dyshohet të jetë qëlluar nga një makinë në lëvizje, ndërkohë që po vijon kqyrja e kamerave të sigurisë aty pranë. Policia është treguar e rezervuar lidhur me plagosjen e italianes, e cila ishte duke ecur në korsinë e bicikletave në bulevard, pranë Ministrisë së Drejtësisë, kur u godit nga plumbi.
