Gjykata e Lartë mori sot një vendim lidhur me vulën dhe logon e Partisë Demokratike, që duket se ka kënaqur të gjitha palët.
Ndoshta në prag të festave të fundvitit, vendimi i marrë nga Gjykata e Lartë, është një e “mesme e artë” ose një “dhuratë” që trupa gjykuese i bëri të gjitha palëve, ku dikush u kënaq më shumë dhe dikush më pak.
Në fakt vendimi, me aq sa është bërë i njohur përmes një njoftimi për mediat, rrëzoi Apelin që rikthente në shkallën e Parë çështjen se kujt i përket vula dhe logo e PD-së, por ka lënë në fuqi, atë të gjyqtarit Agron Zhukri, i cili njeh grupimin e Rithemelimit dhe çdo dokument tjetër të depozituar në Gjykatë, lidhur me Kuvendin e 11 dhjetorit 2021, ku kryetar u zgjodh Sali Berisha. Ky vendim i Zhukrit mbetet në fuqi deri sa Gjykata e Apelit të rigjykojë çështjen, bazuar në vendimin e Gjykatës së Lartë.
Ajo që u vu re pas shpalljes së vendimit ishte se të gjitha palët, pra si ata që mbështesin Lulzim Bashën, ashtu edhe PD e drejtuar nga Sali Berisha, ishin të kënaqur.
Basha nxitoi të vlerësonte vendimin si një hap pozitiv në zgjidhjen e çështjes së PD-së, edhe pse vendimi i marrë nga Apeli, që u rrëzua nga Gjykata e Lartë, e favorizonte dukshëm atë. Dhe po kështu çdo mbështetës i Bashës luajti me tezën se Gjykata e Lartë duke rikthyer çështjen për rigjykim në Apel, ka njohur si palë atë që njihet si PD zyrtare, që dikur drejtohej nga i komanduari Enkelejd Alibeaj, dhe sot nga Lulzim Basha.
Avokati Besart Logu, i pozicionuar në krah të Lulzim Bashës, duke i qëndruar linjës së “fitores” me vendimin e Gjykatës së Lartë, u shpreh në një studio televizive se “vendimi i Gjykatës së Lartë nuk është se e cënon legjitimitetin e PD-së dhe gjithçka që ka të bëjë me identitetin e asaj partie. Është çështje propagandistike. Sot PD u legjitimua si e tillë sepse së pari vendimi i Zhukrit nuk është i ekzekutueshëm. Vendimi i Gjykatës së Lartë sot u bë vendimi i dytë i rradhës i një gjykate që legjitimon PD-në si palë e këtij procesi gjyqësor. Nëse iu kujtohet debati që ngrinte Rithemelimi se PD nuk legjitimohet të ngrejë ankim, ndërkohë ky ankim u pranua nga gjykata e Apelit dhe së fundmi nga gjykata e Lartë”, tha Logu.
Në anën tjetër, PD e drejtuar nga Sali Berisha, e konsideron vendimin e Gjykatës së Lartë si një legjitimim të vendimmarrjes së Kuvendit kombëtar në 11 dhjetor 2021.
Ivi Kaso, një prej ekspertëve ligjorë të rreshtuar në krah të Berishës, tha se vendimi i sotëm i Gjykatës së Lartë nuk është më i miri i mundshëm për Rithemelimin, duke shtuar se duhej t’i ishte dhënë fund zvarritjes së procesit për vulën e PD-së.
“Me vendimin e sotëm, praktikisht gjykata e Lartë legjitimon ose rikthen në fuqi vendimin e shkallës së parë të 25 marsit të vitit 2022 që njohu si të ligjshme vendimarrjen e dhjetorit të vitit 2021 ku u zgjiodhën organet e reja drejtuese të PD. Këto vendime rikthehen në fuqi deri në një vendim tjetër nga gjykata. Nuk është vendimi më i mirë i mundshëm sepse sot Gjykata e Lartë duhet ta kishte mbyllur sagën e zvarritjes së vulës së PD-së. Gjykata e Lartë ka preferuar që të mos i futet çështjes se kujt i takon vula por është mjaftuar me shkeljet e rënda të gjetura në vendimin e gjykatës së Apelit”, tha Kaso.
Grupimi i tretë, ai që identifikohet me Gazment Bardhin, që sot ndodhet në një bashkëpunim me Rithemelimin e drejtuar nga Berisha, duket më i rezervuar në reagime. Gjithsesi Marash Logu, një prej këshilltarëve të Grupit Parlamentar të PD-së, që drejtohet nga Gazment Bardhi, tha se tashmë çështja se kujt i takon vula dhe logo duhet të zgjidhet brenda marsit 2024.
“Është skandaloze se si tre gjykatat morën 2 vite për të ezauruar të tre shkallët. Edhe gjykata e Lartë, e Apelit dhe më pak shkalla e parë kanë vepruar në shkelje të afateve proceduriale për partitë politike dhe kodin e procedurës civile.
Nuk mundet që çështja e partisë më të madhe në opozitë, të trajtohet si një çështje rutinë. Kjo është një çështje që ka rëndësi të madhe edhe për interesin publik.
Gjykata e Apelit do të duhet që maksimalisht ta mbyllë këtë çështje, brenda marsit të vitit të ardhshëm.
Edhe avokatët e palëve në këtë proces, edhe PD-ja që ka një interes për zgjidhjen e kësaj çështje, të ushtrojnë të gjithë presionin e nevojshëm në mënyrë që kjo çështje të marrë një përgjigje përfundimtare dhe të mos vazhdojë të mos zvarritet.
Qartazi kuptojmë se kujt i shërben zvarritja e çështjes së PD-së.
Dhe të mos lindin situata anormale si ajo e 14 majit, ku personi që pretendon se ka dhënë dorëheqjen nga drejtimi i PD, me një vendim të thjeshtë nga gjykata e faktit rezultonte të ishte akoma kryetar’, tha Marash Logu
Gjykata e Lartë mori sot një vendim lidhur me vulën dhe logon e Partisë Demokratike, që duket se ka kënaqur të gjitha palët.
Ndoshta në prag të festave të fundvitit, vendimi i marrë nga Gjykata e Lartë, është një e “mesme e artë” ose një “dhuratë” që trupa gjykuese i bëri të gjitha palëve, ku dikush u kënaq më shumë dhe dikush më pak.
Në fakt vendimi, me aq sa është bërë i njohur përmes një njoftimi për mediat, rrëzoi Apelin që rikthente në shkallën e Parë çështjen se kujt i përket vula dhe logo e PD-së, por ka lënë në fuqi, atë të gjyqtarit Agron Zhukri, i cili njeh grupimin e Rithemelimit dhe çdo dokument tjetër të depozituar në Gjykatë, lidhur me Kuvendin e 11 dhjetorit 2021, ku kryetar u zgjodh Sali Berisha. Ky vendim i Zhukrit mbetet në fuqi deri sa Gjykata e Apelit të rigjykojë çështjen, bazuar në vendimin e Gjykatës së Lartë.
Ajo që u vu re pas shpalljes së vendimit ishte se të gjitha palët, pra si ata që mbështesin Lulzim Bashën, ashtu edhe PD e drejtuar nga Sali Berisha, ishin të kënaqur.
Basha nxitoi të vlerësonte vendimin si një hap pozitiv në zgjidhjen e çështjes së PD-së, edhe pse vendimi i marrë nga Apeli, që u rrëzua nga Gjykata e Lartë, e favorizonte dukshëm atë. Dhe po kështu çdo mbështetës i Bashës luajti me tezën se Gjykata e Lartë duke rikthyer çështjen për rigjykim në Apel, ka njohur si palë atë që njihet si PD zyrtare, që dikur drejtohej nga i komanduari Enkelejd Alibeaj, dhe sot nga Lulzim Basha.
Avokati Besart Logu, i pozicionuar në krah të Lulzim Bashës, duke i qëndruar linjës së “fitores” me vendimin e Gjykatës së Lartë, u shpreh në një studio televizive se “vendimi i Gjykatës së Lartë nuk është se e cënon legjitimitetin e PD-së dhe gjithçka që ka të bëjë me identitetin e asaj partie. Është çështje propagandistike. Sot PD u legjitimua si e tillë sepse së pari vendimi i Zhukrit nuk është i ekzekutueshëm. Vendimi i Gjykatës së Lartë sot u bë vendimi i dytë i rradhës i një gjykate që legjitimon PD-në si palë e këtij procesi gjyqësor. Nëse iu kujtohet debati që ngrinte Rithemelimi se PD nuk legjitimohet të ngrejë ankim, ndërkohë ky ankim u pranua nga gjykata e Apelit dhe së fundmi nga gjykata e Lartë”, tha Logu.
Në anën tjetër, PD e drejtuar nga Sali Berisha, e konsideron vendimin e Gjykatës së Lartë si një legjitimim të vendimmarrjes së Kuvendit kombëtar në 11 dhjetor 2021.
Ivi Kaso, një prej ekspertëve ligjorë të rreshtuar në krah të Berishës, tha se vendimi i sotëm i Gjykatës së Lartë nuk është më i miri i mundshëm për Rithemelimin, duke shtuar se duhej t’i ishte dhënë fund zvarritjes së procesit për vulën e PD-së.
“Me vendimin e sotëm, praktikisht gjykata e Lartë legjitimon ose rikthen në fuqi vendimin e shkallës së parë të 25 marsit të vitit 2022 që njohu si të ligjshme vendimarrjen e dhjetorit të vitit 2021 ku u zgjiodhën organet e reja drejtuese të PD. Këto vendime rikthehen në fuqi deri në një vendim tjetër nga gjykata. Nuk është vendimi më i mirë i mundshëm sepse sot Gjykata e Lartë duhet ta kishte mbyllur sagën e zvarritjes së vulës së PD-së. Gjykata e Lartë ka preferuar që të mos i futet çështjes se kujt i takon vula por është mjaftuar me shkeljet e rënda të gjetura në vendimin e gjykatës së Apelit”, tha Kaso.
Grupimi i tretë, ai që identifikohet me Gazment Bardhin, që sot ndodhet në një bashkëpunim me Rithemelimin e drejtuar nga Berisha, duket më i rezervuar në reagime. Gjithsesi Marash Logu, një prej këshilltarëve të Grupit Parlamentar të PD-së, që drejtohet nga Gazment Bardhi, tha se tashmë çështja se kujt i takon vula dhe logo duhet të zgjidhet brenda marsit 2024.
“Është skandaloze se si tre gjykatat morën 2 vite për të ezauruar të tre shkallët. Edhe gjykata e Lartë, e Apelit dhe më pak shkalla e parë kanë vepruar në shkelje të afateve proceduriale për partitë politike dhe kodin e procedurës civile.
Nuk mundet që çështja e partisë më të madhe në opozitë, të trajtohet si një çështje rutinë. Kjo është një çështje që ka rëndësi të madhe edhe për interesin publik.
Gjykata e Apelit do të duhet që maksimalisht ta mbyllë këtë çështje, brenda marsit të vitit të ardhshëm.
Edhe avokatët e palëve në këtë proces, edhe PD-ja që ka një interes për zgjidhjen e kësaj çështje, të ushtrojnë të gjithë presionin e nevojshëm në mënyrë që kjo çështje të marrë një përgjigje përfundimtare dhe të mos vazhdojë të mos zvarritet.
Qartazi kuptojmë se kujt i shërben zvarritja e çështjes së PD-së.
Dhe të mos lindin situata anormale si ajo e 14 majit, ku personi që pretendon se ka dhënë dorëheqjen nga drejtimi i PD, me një vendim të thjeshtë nga gjykata e faktit rezultonte të ishte akoma kryetar’, tha Marash Logu
