Kryeministri Edi Rama nuk ka kursyer batutat dhe thumbimet në drejtim të Lulzim Bashës dhe Ilir Metës nga salla e Pallatit të Kongreseve në Tiranë, atje ku u mbajt Kongresi i Jashtëzakonshëm i Partisë Socialiste.
Por jashtë vëmendjes së Kryeministrit nuk kanë mbetur as bankat e nivelit të dytë, për të cilat dha edhe një paralajmërim.
E ndërsa paralajmëroi se do të ketë ndryshime edhe të delegatëve të PS-së, nëse e kanë të pamundur të marrin pjesë në mbledhje, apo nuk janë të disponueshëm për to, Rama thumbi Bashën, duke i kujtuar numrin e delegatëve në Kuvendin e PD-së që mbajti dy vite më parë.
“Sa vende ka kjo salla këtu? Pyes sepse ajo partia tjetër ka pasur 6 mijë delegatë në sallë, te kjo salla këtu, sepse ato numërojnë edhe dritat që janë lart për të plotësuar numrin e delegatëve”, tha Rama, duke kujtuar në këtë mënyrë debatin që u bë dy vite më parë kur në sallën e Pallatit të Kongreseve, Lulzim Basha deklaroi se mblidhte rreth 6 mijë delegatë.
Por nuk ka mbetur pas batutave Ilir Meta, ish-aleati i Ramës, në mandatin e parë qeverisës, kohë kur PS dhe LSI qeverisnin vendin.
Rama tha se ai aleati i vogël dikur deklaronte se do të bëhej më i madh se Partia Socialiste, dhe përdorte ato postierët që ndanin pensionet për të marrë nga zarfi i pensionistëve pjesën që mendonin se u takonin, duke u thënë pensionistëve: pensionin e keni nga ai.
Në fjalën e tij, Kryeministri u shpreh se edhe bankat që operaojnë në Shqipëri i ngjajnë këtyre postierëve që përdorte ai aleati i dikurshëm, që marrin për çdo shërbim atë përqindjen e tyre, njëlloj si zarfi i pensionistëve.
“Ta harrojnë se vetëm ata mund të fitojnë, edhe pse janë krijuar për të fituar. Ta harrojnë se mund të marrin nga “zarfi” njëlloj si ato postierët atë përqindjen për çdo veprim që kryhet, pasi edhe të tjerët kanë të drejtë të fitojnë. Bankat marrin pagesë për çdo veprim, që nga rrogat, ndërkohë që kanë nivelin më të lart të cash-it.
Një tjetër drejtim që do e përdorim Inteligjencën Artificiale, që në janar, është ndjekja e evazionit në transaksionet financiare të të gjitha niveleve. Sistemi i fiskalizmit të gjithë biznesit ka nevojë për monitorim. Një pjesë e transaksioneve shmangen, por nuk do të shmangen dot më”, tha Rama.
Kryeministri Edi Rama nuk ka kursyer batutat dhe thumbimet në drejtim të Lulzim Bashës dhe Ilir Metës nga salla e Pallatit të Kongreseve në Tiranë, atje ku u mbajt Kongresi i Jashtëzakonshëm i Partisë Socialiste.
Por jashtë vëmendjes së Kryeministrit nuk kanë mbetur as bankat e nivelit të dytë, për të cilat dha edhe një paralajmërim.
E ndërsa paralajmëroi se do të ketë ndryshime edhe të delegatëve të PS-së, nëse e kanë të pamundur të marrin pjesë në mbledhje, apo nuk janë të disponueshëm për to, Rama thumbi Bashën, duke i kujtuar numrin e delegatëve në Kuvendin e PD-së që mbajti dy vite më parë.
“Sa vende ka kjo salla këtu? Pyes sepse ajo partia tjetër ka pasur 6 mijë delegatë në sallë, te kjo salla këtu, sepse ato numërojnë edhe dritat që janë lart për të plotësuar numrin e delegatëve”, tha Rama, duke kujtuar në këtë mënyrë debatin që u bë dy vite më parë kur në sallën e Pallatit të Kongreseve, Lulzim Basha deklaroi se mblidhte rreth 6 mijë delegatë.
Por nuk ka mbetur pas batutave Ilir Meta, ish-aleati i Ramës, në mandatin e parë qeverisës, kohë kur PS dhe LSI qeverisnin vendin.
Rama tha se ai aleati i vogël dikur deklaronte se do të bëhej më i madh se Partia Socialiste, dhe përdorte ato postierët që ndanin pensionet për të marrë nga zarfi i pensionistëve pjesën që mendonin se u takonin, duke u thënë pensionistëve: pensionin e keni nga ai.
Në fjalën e tij, Kryeministri u shpreh se edhe bankat që operaojnë në Shqipëri i ngjajnë këtyre postierëve që përdorte ai aleati i dikurshëm, që marrin për çdo shërbim atë përqindjen e tyre, njëlloj si zarfi i pensionistëve.
“Ta harrojnë se vetëm ata mund të fitojnë, edhe pse janë krijuar për të fituar. Ta harrojnë se mund të marrin nga “zarfi” njëlloj si ato postierët atë përqindjen për çdo veprim që kryhet, pasi edhe të tjerët kanë të drejtë të fitojnë. Bankat marrin pagesë për çdo veprim, që nga rrogat, ndërkohë që kanë nivelin më të lart të cash-it.
Një tjetër drejtim që do e përdorim Inteligjencën Artificiale, që në janar, është ndjekja e evazionit në transaksionet financiare të të gjitha niveleve. Sistemi i fiskalizmit të gjithë biznesit ka nevojë për monitorim. Një pjesë e transaksioneve shmangen, por nuk do të shmangen dot më”, tha Rama.
