Një kangur që u shkëput nga rojet e tij teksa po transportohej në një kopsht tjetër zoologjik është kapur sot, por pasi ka goditur me grusht në fytyrë një oficer policie.
Femra kangur u arratis nga rojtarët e saj të enjten kur ata u ndalën pranë kopshtit zoologjik Oshawa. Videot e publikuara të premten në platformat e mediave sociale treguan marsupialin e rritur në robëri duke bredhur rrugëve të Oshawa, një qytet që ndodhet rreth 60 kilometra në lindje të Torontos, Kanada.
Pas tre ditësh në liri, kanguri u pa rreth orës 3 të mëngjesit të së hënës nga oficerët që patrullonin një zonë rurale në periferi veriore të Oshawa, tha zëdhënësi i policisë Chris Boileau për CBC.
Pas rekomandimeve të kujdestarëve, oficerët e kapën nga bishti për ta imobilizuar. Kanguri rezistoi dhe befasoi një oficer policie, duke e goditur me grusht në fytyrë përpara se të kapej përfundimisht, sipas Boileau.
Kanguri do të transferohet në një kopsht zoologjik në Quebec. Pas kësaj aventure, ai do të qëndrojë për disa ditë në kopshtin zoologjik të Oshawa, ku tashmë i është nënshtruar analizave mjekësore, për t’u qetësuar dhe pushuar.
Officers Rescue Kangaroo on “Roo-tine” Patrol – In response to a reported kangaroo sighting in the Winchester Rd E and Harmony Rd N area, officers were deployed for the rescue mission.
Full story: https://t.co/r7uWpN1tJL pic.twitter.com/k3ZZi7xcYs
— Durham Regional Police (@DRPS) December 4, 2023
