Kryekomisari Stiljan Pasho u arrestua me urdhër të Prokurorisë së Korçës, ndërsa prej disa javësh po përgjohej dhe gjurmohej nga AMP si i dyshuar për përfshirjen në trafikun e drogës.
Pasho u arrestua dy ditë pasi nga Policia greke u kap një sasi prej 26 kg kanabis, e fshehur në një bombul gazi.
Kryekomisari dyshohet se ndihmoi shtetasin Lorenco Lika që të kalojë kufirin, teksa ndodhej në automjet me të. Madje referuar të dhënave të sistemit TIMS, Pasho dhe Lika kanë udhëtuar edhe vitin e kaluar bashkërisht, pothuajse me të njëjtën skemë, si kjo e regjistruar dy ditë më parë.
Pasho ulej si pasagjer në automjetin e Likës, sapo kalonte kufirin shqiptar, pa iu nënshtruar kontrollit, kryekomisari kthehej në këmbë, ndërsa miku i tij vijonte itinerarin në vendin fqinj.
Burimet shprehen se prej të paktën 8 javësh kishte dyshime ndaj kryekomisarit dhe ndaj tij u përdorën metodat speciale të hetimit, deri në momentin që pala greke arrestoi dy ditë më parë Lorenco Likën, në automjetin e të cilit u bllokuan edhe 26 kg cannabis.
Informacionin palës greke për automjetin me cannabis dhe vendin ku ai ishte fshehur ia ka përcjellë policia shqiptare, e cila gjithashtu mbante nën mbikqyrje edhe kryekomisarin.
Në njoftimin zyrtar thuhet se ndalimi u krye në kuadër të hetimeve të procedimit penal të vitit 2023, referuar nga Sektori i AMP Korçë, regjistruar për veprën penale “Trafikim i narkotikëve“.
“Nga veprimet hetimore të kryera nga AMP, nën drejtimin e Prokurorisë Korçë, dyshohet se Kryekomisari S.P., me veprime konkrete e të drejtpërdrejta, duke shfrytëzuar pozicionin në DVKM Korçë, në intervale të ndryshme kohore dhe së fundmi në datë 27.11.2023 ka favorizuar shtetasin L.L. të kalojë kufirin në PKK Kapshticë pa iu nënshtruar kontrollit kufitar në automjet, si dhe duke urdhëruar vartësit për mos kryerjen e kontrollit në mjetin e tij.
Në lidhje me këtë procedim penal është bashkëpunuar ngushtësisht edhe me homologët e Policisë greke nëpërmjet Pikës së Bashkëpunimit Policor Greqi – Shqipëri, e si rezultat i këtij bashkëpunimi është bërë e mundur kapja e 26 kg lëndë narkotike në shtetin grek.
Hetimet në kuadër të këtij procedimi vijojnë për identifikimin e personave të tjerë të mundshëm të përfshirë në aktivitet të paligjshëm dhe vënien e tyre para përgjegjësisë penale”, tha AMP.
Kryekomisari Stiljan Pasho u arrestua me urdhër të Prokurorisë së Korçës, ndërsa prej disa javësh po përgjohej dhe gjurmohej nga AMP si i dyshuar për përfshirjen në trafikun e drogës.
Pasho u arrestua dy ditë pasi nga Policia greke u kap një sasi prej 26 kg kanabis, e fshehur në një bombul gazi.
Kryekomisari dyshohet se ndihmoi shtetasin Lorenco Lika që të kalojë kufirin, teksa ndodhej në automjet me të. Madje referuar të dhënave të sistemit TIMS, Pasho dhe Lika kanë udhëtuar edhe vitin e kaluar bashkërisht, pothuajse me të njëjtën skemë, si kjo e regjistruar dy ditë më parë.
Pasho ulej si pasagjer në automjetin e Likës, sapo kalonte kufirin shqiptar, pa iu nënshtruar kontrollit, kryekomisari kthehej në këmbë, ndërsa miku i tij vijonte itinerarin në vendin fqinj.
Burimet shprehen se prej të paktën 8 javësh kishte dyshime ndaj kryekomisarit dhe ndaj tij u përdorën metodat speciale të hetimit, deri në momentin që pala greke arrestoi dy ditë më parë Lorenco Likën, në automjetin e të cilit u bllokuan edhe 26 kg cannabis.
Informacionin palës greke për automjetin me cannabis dhe vendin ku ai ishte fshehur ia ka përcjellë policia shqiptare, e cila gjithashtu mbante nën mbikqyrje edhe kryekomisarin.
Në njoftimin zyrtar thuhet se ndalimi u krye në kuadër të hetimeve të procedimit penal të vitit 2023, referuar nga Sektori i AMP Korçë, regjistruar për veprën penale “Trafikim i narkotikëve“.
“Nga veprimet hetimore të kryera nga AMP, nën drejtimin e Prokurorisë Korçë, dyshohet se Kryekomisari S.P., me veprime konkrete e të drejtpërdrejta, duke shfrytëzuar pozicionin në DVKM Korçë, në intervale të ndryshme kohore dhe së fundmi në datë 27.11.2023 ka favorizuar shtetasin L.L. të kalojë kufirin në PKK Kapshticë pa iu nënshtruar kontrollit kufitar në automjet, si dhe duke urdhëruar vartësit për mos kryerjen e kontrollit në mjetin e tij.
Në lidhje me këtë procedim penal është bashkëpunuar ngushtësisht edhe me homologët e Policisë greke nëpërmjet Pikës së Bashkëpunimit Policor Greqi – Shqipëri, e si rezultat i këtij bashkëpunimi është bërë e mundur kapja e 26 kg lëndë narkotike në shtetin grek.
Hetimet në kuadër të këtij procedimi vijojnë për identifikimin e personave të tjerë të mundshëm të përfshirë në aktivitet të paligjshëm dhe vënien e tyre para përgjegjësisë penale”, tha AMP.
