Lëvizja palestineze Hamas mori përgjegjësinë për sulmin me armë të mëngjesit të sotëm në Jerusalem, ku u vranë tre persona, dhe bëri thirrje për “përshkallëzim të rezistencës” kundër Izraelit.
“Vëllezërit Murad Nemr (38) dhe Ibrahim Nemr (30), anëtarë të Brigadave Ezzedine al-Qassam nga Sur Baher, një lagje e Jeruzalemit Lindor, u vetëflijuan gjatë kryerjes së një operacioni që vrau tre kolonë dhe plagosi të tjerë”, tha Hamas në deklaratën e saj.
Shikoni momentin e sulmit terrorist:
BREAKING:
Terrorist attack in Jerusalem.
2 Israelis waiting at a bus stop killed by 2 shooters.
5 in critical condition.
The terrorists were quickly killed by 2 armed off duty Israeli soldiers and one armed civilian driving past. pic.twitter.com/UCKNvZBQRQ
— Visegrád 24 (@visegrad24) November 30, 2023
Organizata palestineze shtoi se “operacioni u krye si një përgjigje e natyrshme ndaj krimeve të paprecedentë të kryera nga okupimi”, duke iu referuar fushatës ushtarake të Izraelit në Gaza dhe trajtimit të të burgosurve palestinezë në burgjet izraelite.
Policia izraelite konfirmoi se dy sulmuesit, vëllezër nga Jeruzalemi Lindor, u vranë pasi sulmuan civilët që prisnin në një stacion autobusi në Jerusalem.
Sipas shërbimit të inteligjencës izraelite Shin Bet, dy personat ishin burgosur më parë për veprimtari terroriste. Mourad u burgos midis viteve 2010 dhe 2020 për planifikimin e sulmeve terroriste nën drejtimin e elementëve terroristë në Rripin e Gazës dhe Ibrahim u burgos në vitin 2014 për aktivitete të paspecifikuara terroriste, tha agjencia.
Shërbimi i ambulancës Magen David Adom i Izraelit tha se mjekët e saj shpallën vdekjen e një gruaje 24-vjeçare në vendin e krimit dhe transportuan tetë të tjerë në spitalet e Jerusalemit. Pak më vonë mbërriti një i moshuar dhe një grua, të cilët ishin plagosur rëndë. Burri u identifikua si gjyqtari rabinik i Ashdod, Elimelech Wasserman, 73 vjeç. Ende nuk ka informacion të mjaftueshëm për gruan, përveç se ajo ishte rreth 60 vjeç.
