Ish-kryeministri Sali Berisha nga studio e emisionit “Now” në Euronews Albania, tha se ambasadat kanë dështuar, ndërsa aksioni opozitar i nisur në Parlament, i drejtohet shqiptarëve.
Berisha tha se një konflikt i ngjashëm mes pozitës dhe mazhorancës ka ndodhur edhe në vitin 2014 pikërisht për shkak të komisioneve hetimore, por në atë kohë zgjidhjen e dha Komisioni Europian.
I pyetur se kujt i adresohen deputetët opozitarë me aksionin e tyre, tashmë që marrëdhëniet me ndërkombëtarët nuk janë ndër më të mirat, Berisha u përgjigj se edhe ndërkombëtarët shpesh kanë gabuar.
Ai tha se në këtë rast deputetët e opozitës u adresohen vetëm shqiptarëve.
“Një konflikt i tillë ka ndodhur edhe në vitin 2014, për komisionet hetimore. Problemin e ka zgjidhur Komisioni Europian, ata i imponuan Edi Ramës. Unë mendoj se të huajt, ambasadat e kanë bërë punën e tyre me deklaratat që kanë bërë.
Unë bie dakord me pjesën që ky problem duhet të zgjidhet nga qytetarët shqiptarë sepse ambasadat u shprehën e thanë fjalën e tyre. Komisioni Europian foli edhe para ambasadave.
Tani ndërkombëtarët në historikun e zhvillimeve shqiptare duke i parë me realizëm, kanë patur sukses, por kanë pasur edhe dështime. Pyetja qëndron kujt i adresohemi ne, ne u adresohemi shqiptarëve. Në parlament janë 40 vetë që po bëjnë rezistencë me mosbindje civile”,-tha Berisha.
Ish-kryeministri Sali Berisha nga studio e emisionit “Now” në Euronews Albania, tha se ambasadat kanë dështuar, ndërsa aksioni opozitar i nisur në Parlament, i drejtohet shqiptarëve.
Berisha tha se një konflikt i ngjashëm mes pozitës dhe mazhorancës ka ndodhur edhe në vitin 2014 pikërisht për shkak të komisioneve hetimore, por në atë kohë zgjidhjen e dha Komisioni Europian.
I pyetur se kujt i adresohen deputetët opozitarë me aksionin e tyre, tashmë që marrëdhëniet me ndërkombëtarët nuk janë ndër më të mirat, Berisha u përgjigj se edhe ndërkombëtarët shpesh kanë gabuar.
Ai tha se në këtë rast deputetët e opozitës u adresohen vetëm shqiptarëve.
“Një konflikt i tillë ka ndodhur edhe në vitin 2014, për komisionet hetimore. Problemin e ka zgjidhur Komisioni Europian, ata i imponuan Edi Ramës. Unë mendoj se të huajt, ambasadat e kanë bërë punën e tyre me deklaratat që kanë bërë.
Unë bie dakord me pjesën që ky problem duhet të zgjidhet nga qytetarët shqiptarë sepse ambasadat u shprehën e thanë fjalën e tyre. Komisioni Europian foli edhe para ambasadave.
Tani ndërkombëtarët në historikun e zhvillimeve shqiptare duke i parë me realizëm, kanë patur sukses, por kanë pasur edhe dështime. Pyetja qëndron kujt i adresohemi ne, ne u adresohemi shqiptarëve. Në parlament janë 40 vetë që po bëjnë rezistencë me mosbindje civile”,-tha Berisha.
