Ushtria izraelite ka hyrë në spitalin kryesor të Gazës Al-Shifa. Sipas tyre, po kryejnë një operacion kundër Hamasit në një zonë të caktuar në Spitalin Al-Shifa, bazuar në informacionin e inteligjencës.
Një dëshmitar tha për BBC se ushtarët dhe tanket izraelite kanë hyrë në departamentin e urgjencës të spitalit.
“Pashë gjashtë tanke brenda spitalit dhe më shumë se njëqind ushtarë komando. Ata hynë në departamentin kryesor të urgjencës, disa nga ushtarët ishin të maskuar dhe bërtisnin në arabisht: “Mos lëviz, mos lëviz”,”– tha ai.
Mijëra pacientë dhe civilë besohet se janë strehuar në spitalin Al-Shifa të Gazës.
Ministrja e Shëndetësisë së Autoritetit Palestinez (PA) Mai al-Kaila ka akuzuar Izraelin se ka kryer një “krim të ri kundër njerëzimit, stafit mjekësor dhe pacientëve” duke kryer një operacion ushtarak brenda spitalit.
“Forcat pushtuese janë përgjegjëse për jetën e personelit mjekësor, pacientëve dhe personave të zhvendosur në Al-Shifa”, u tha në një deklaratë të publikuar nga agjencia palestineze e lajmeve Wafa.
Autoriteti Palestinez qeveris pjesët e Bregut Perëndimor të pushtuar, të cilat nuk janë nën kontrollin e plotë të Izraelit dhe dominohen nga lëvizja Fatah, një rival i Hamasit. Prandaj, ministria e shëndetësisë e drejtuar nga PA është e ndarë nga ministria e shëndetësisë e drejtuar nga Hamasi në Gaza.
Al-Shifa është spitali më i madh në Gaza dhe si Izraeli ashtu edhe SHBA-ja pretendojnë se Hamasi ka një bazë komanduese nën të – gjë që Hamasi e mohon.
Ndërkohë Shtëpia e Bardhë ka deklaruar se nuk duan të shohin përplasje me armë zjarri brenda spitalit ku ndodhen njerëz të pafajshëm.
“Ne nuk e mbështesim goditjen e një spitali nga ajri dhe nuk duam të shohim një përplasje me armë zjarri në një spital ku njerëz të pafajshëm, njerëz të pafuqishëm, njerëz të sëmurë përpiqen të marrin kujdesin mjekësor që meritojnë,” tha një zëdhënës për Këshillin e Sigurisë Kombëtare të Shtëpisë së Bardhë.
Ata përsëritën komentet e Presidentit Biden se spitalet dhe pacientët duhet të mbrohen.
Ushtria izraelite ka hyrë në spitalin kryesor të Gazës Al-Shifa. Sipas tyre, po kryejnë një operacion kundër Hamasit në një zonë të caktuar në Spitalin Al-Shifa, bazuar në informacionin e inteligjencës.
Një dëshmitar tha për BBC se ushtarët dhe tanket izraelite kanë hyrë në departamentin e urgjencës të spitalit.
“Pashë gjashtë tanke brenda spitalit dhe më shumë se njëqind ushtarë komando. Ata hynë në departamentin kryesor të urgjencës, disa nga ushtarët ishin të maskuar dhe bërtisnin në arabisht: “Mos lëviz, mos lëviz”,”– tha ai.
Mijëra pacientë dhe civilë besohet se janë strehuar në spitalin Al-Shifa të Gazës.
Ministrja e Shëndetësisë së Autoritetit Palestinez (PA) Mai al-Kaila ka akuzuar Izraelin se ka kryer një “krim të ri kundër njerëzimit, stafit mjekësor dhe pacientëve” duke kryer një operacion ushtarak brenda spitalit.
“Forcat pushtuese janë përgjegjëse për jetën e personelit mjekësor, pacientëve dhe personave të zhvendosur në Al-Shifa”, u tha në një deklaratë të publikuar nga agjencia palestineze e lajmeve Wafa.
Autoriteti Palestinez qeveris pjesët e Bregut Perëndimor të pushtuar, të cilat nuk janë nën kontrollin e plotë të Izraelit dhe dominohen nga lëvizja Fatah, një rival i Hamasit. Prandaj, ministria e shëndetësisë e drejtuar nga PA është e ndarë nga ministria e shëndetësisë e drejtuar nga Hamasi në Gaza.
Al-Shifa është spitali më i madh në Gaza dhe si Izraeli ashtu edhe SHBA-ja pretendojnë se Hamasi ka një bazë komanduese nën të – gjë që Hamasi e mohon.
Ndërkohë Shtëpia e Bardhë ka deklaruar se nuk duan të shohin përplasje me armë zjarri brenda spitalit ku ndodhen njerëz të pafajshëm.
“Ne nuk e mbështesim goditjen e një spitali nga ajri dhe nuk duam të shohim një përplasje me armë zjarri në një spital ku njerëz të pafajshëm, njerëz të pafuqishëm, njerëz të sëmurë përpiqen të marrin kujdesin mjekësor që meritojnë,” tha një zëdhënës për Këshillin e Sigurisë Kombëtare të Shtëpisë së Bardhë.
Ata përsëritën komentet e Presidentit Biden se spitalet dhe pacientët duhet të mbrohen.
