Moti do të jetë me kthjellime dhe vranësira me reshje shiu pasdite në pjesën veriore të vendit.
Temperaturat minimale do të luhaten nga 7 deri në 14 gradë, ndërsa temperatura maksimale parashikohen nga 14 deri në 16°C në veri, ndërsa nga 19 deri në 23°C në zonat e ulëta dhe pranë bregdetit.
Era do të jetë me drejtim perëndim me shpejtësi 12-25 m/sek dhe dallgëzim te forcës 6-7 balle në det të hapur .
Prej ditës së premte vendi ynë u godit nga stuhia ‘Ciaran’ duke lënë pas dëme të konsiderueshme në Tiranë dhe disa qarqe të tjera të vendit.
Shiu dhe breshëri i dendur vijuan edhe përgjatë të shtunës, ndërsa meteorologia Anira Gjoni tha në Report Tv se sot reshjet me intensitet të lartë do të vazhdojnë në Kukës dhe në Shkodër, dy qarqet që do preken më shumë.
Ndërkohë, në qarkun e Lezhës priten reshje me intensitet mesatar, ndërsa në qarqet e tjera situata do të stabilizohet dhe priten reshje shiu të dobëta edhe në dy ditët në vijim. Të mërkurën pritet të rikthehen sërish reshje shiu me intensitet të lartë.
The post Parashikimi i motit për sot, 5 nëntor 2023 appeared first on 27.
