Taulant Balla, ministër i Brendshëm, duket se e ka kthyer në një prioritet të punës së Policisë luftën ndaj shpërndarësve të drogës, veçanërisht atyre që veprojnë pranë objekteve arsimore.
Në një postim në rrjet, Balla i ka bërë jehonë aksioneve të policisë në 48 orët e fundit në Gjirokastër, Lezhë, Mirditë, Berat dhe Durrës, ku janë ndaluar 6 persona dhe janë sekuestruar doza të shumta kokaine dhe kanabis në mjedise argëtimi, të frekuentuara nga të rinjtë.
“Publiku dhe çdo familje shqiptare presin që Policia e Shtetit të vijojë të marrë më shumë përgjegjësi ndaj çdo të riu e të reje, të cilët nuk i dinë sot sa duhet rreziqet e mëdha për shëndetin dhe familjet e tyre, ndërsa bien në grackën e keqbërësve të narkotikëve.
Prandaj Policia e Shtetit i ka sot paketën e sigurisë në shkolla dhe luftën kundër shpërndarjes së lëndëve narkotike prioritete kryesore”, u shpreh Balla.
Deri më sot Policia ka goditur disa nga grupet e shpërndarësve të lëndëve narkotike, por duket se nuk po arrin të ndalojë rrjetet e furnitorëve, ose thënë ndryshe “kapot” që veprojnë në fushën e narkotikëve.
Taulant Balla, ministër i Brendshëm, duket se e ka kthyer në një prioritet të punës së Policisë luftën ndaj shpërndarësve të drogës, veçanërisht atyre që veprojnë pranë objekteve arsimore.
Në një postim në rrjet, Balla i ka bërë jehonë aksioneve të policisë në 48 orët e fundit në Gjirokastër, Lezhë, Mirditë, Berat dhe Durrës, ku janë ndaluar 6 persona dhe janë sekuestruar doza të shumta kokaine dhe kanabis në mjedise argëtimi, të frekuentuara nga të rinjtë.
“Publiku dhe çdo familje shqiptare presin që Policia e Shtetit të vijojë të marrë më shumë përgjegjësi ndaj çdo të riu e të reje, të cilët nuk i dinë sot sa duhet rreziqet e mëdha për shëndetin dhe familjet e tyre, ndërsa bien në grackën e keqbërësve të narkotikëve.
Prandaj Policia e Shtetit i ka sot paketën e sigurisë në shkolla dhe luftën kundër shpërndarjes së lëndëve narkotike prioritete kryesore”, u shpreh Balla.
Deri më sot Policia ka goditur disa nga grupet e shpërndarësve të lëndëve narkotike, por duket se nuk po arrin të ndalojë rrjetet e furnitorëve, ose thënë ndryshe “kapot” që veprojnë në fushën e narkotikëve.
