Harry Kane, ka shënuar një gol spektakolar për Bayern Munich në ndeshjen kundër Darmstadt, në të cilën skuadra e tij fitoi me rezultat 8-0.
Në minutën e 69-të të ndeshjes, sulmuesi i Bayernit shënoi gol nga pjesa e tij e fushës në portën e portierit Marcel Schuhen.
Kane shënoi tre gola në këtë ndeshje dhe arriti numrin e 12 golave në fanellën e klubit bavarez.
Ai u bë futbollisti i parë në historinë e Bundesligës që shënon dhjetë ose më shumë gola në nëntë ndeshjet e para të kampionatit gjerman.
Përveç Kane, në listën e golashënuesve hynë Leroy Sane dhe Jamal Musiala, të cilët shënuan nga dy gola dhe Thomas Muller, i cili shënoi një herë.
