Kreu “i rrezikshëm” i një bande të krimit të organizuar që rrëmbeu dhe torturonte viktimat e saj me thika dhe ujë të nxehtë në këmbim të parave të gatshme dhe bizhuterive të shtrenjta është dënuar me 25 vjet burg.
Një nga viktimat “e tmerruara” të 27-vjeçarit Fortune Lawson, ishte Mohamed Saroya, i cili u rrëmbye jashtë shtëpisë së tij në Londër në nëntor 2018 pasi u pa se mbante një orë Rolex, në një fotografi të Snapchat.
Ai u gënjey nga pjesëtarët e bandës që i premtuan t’i gjenin narkotikë.
Gjykatësi Daniel Williams tha Saroya u rrëmbye dhe u torturua derisa të dorëzohej ora dhe një shpërblim.
Viktima u terrorizua për tetë orë duke përfshirë edhe goditjet e shumëfishta me thikë, ndërsa në trup iu hodh ujë i nxehtë me sheqer .
Saroya u detyrua të njoftonte anëtarët e familjes për të gjetur paratë dhe orën Rolex, që të dorëzoheshin përpara se të lirohej.
Gjykata dëgjoi se ai u gjet nga kushëriri i tij dhe vëllai i tij në një park makinash afër stacionit hekurudhor Kenton, por ai nuk mundi të hipte në makinë për shkak të lëndimeve të tij “më të tmerrshme”.
Ai u dërgua në spitalin Northwick Park, ku kaloi pesë ditë duke u trajtuar për lëndimet, duke përfshirë plagë me thikë në krah dhe shpinë, djegie në kofshë, krah dhe gju dhe prerje dhe mavijosje.
Gjykatësi Ëilliams tha se Lawson e konsideronte veten “të paprekshëm” dhe u zhvendos në Cardiff, ku ai drejtonte një biznes ushqimi dhe kishte një të dashur, por “nuk i interesonte asnjëra”.
Në dhjetor 2020, Lawson goditi sërish, duke rrëmbyer një tjetër viktimë, Ledio Ibrahimi.
Ai e çoi Ibrahimin në një banesë në qytet dhe e futi në ujë, e rrahu dhe e kërcënoi me armë dhe thika dhe një “qen sulmues”.
Ibrahimi u detyrua të telefononte një mik për të rregulluar dorëzimin e 50,000 £, por miku thirri policinë e Uellsit të Jugut për të raportuar një “situatë për jetë a vdekje” dhe pa e ditur rrëmbyesit, negociatorët e pengjeve po monitoronin telefonatat.
Viktima u dërgua në një fortesë tjetër në Hemel Hempstead, Hertfordshire, ku kalvari i tmerrshëm vazhdoi përpara se ai të shpëtohej përfundimisht nga policia, të cilët e gjetën atë të lidhur me kabblo në duar, “duke u dridhur dhe duke qarë”.
Analizat e ADN-së të marra nga gjaku i gjetur në banesën e Kardifit e shtynë policinë të identifikonte një viktimë tjetër, Halim Vladi, i cili gjithashtu ishte mbajtur kundër vullnetit të tij dhe ishte sulmuar vazhdimisht në të njëjtën adresë.
Tetë anëtarë të tjerë të bandës – të gjithë të përfshirë në të paktën një nga tre komplotet – u dënuan gjithashtu të premten në të njëjtën gjykatë.
Davood Assadpour, 33 vjeç dhe Micaiah Marley, 30 vjeç, u burgosën me 15 vjet; Arnold Fumemeya dhe Alexis Mutesa, të dy 27 vjeç, për 13 vjet; Gideon Lawson, 24 vjeç, për 12 vjet; Ahmed Omar, 29 vjeç, për nëntë vjet; Stephen Isaac, 66 vjeç, për gjashtë vjet; dhe Denis Delishaj, 34 vjeç, për tetë vjet, si dhe tetë muaj për një telefon në burg.
The post Rrëmbenin shqiptarë, i torturonin dhe më pas i zhvasnin mijëra paund (Detajet) appeared first on 27.
