LeBron James tashmë ka hyrë në sezonin e tij të 21-të në NBA. Ai është i 6-ti në historinë e ligës që luan kaq shumë vite. “Mbreti” bën gjëra që i lënë pa fjalë shikuesit.
Si për shembull orët e para të së premtes (27/10). Një foto që tregon atë duke kërcyer shumë lart dhe gati duke arritur belin e Kevin Durant i cili është 2.11 m është bërë virale në rrjetet sociale. Brenda pak orësh është parë nga më shumë se 250 mijë përdorues të platformës X.
Faza në të cilën është “marrë” fotografia ka qenë një tentativë e thjeshtë e LeBron James për të penguar Kevin Durant të zotërojë topin.
Komentet në postim nxjerrin në pah surprizën që shkakton edhe në një moshë kaq të shtyrë. “Ajo nuk mund të jetë 39”, ka shkruar njëri.
“Ai po i bën të gjitha këto në sezonin e tij të 21-të në ligë. Kjo është arsyeja pse ai është më i miri i të gjitha kohërave”, vuri në dukje një tjetër, ndërsa një i tretë shkroi me pak ironi se pak para se të mbushë 40 vjeç, LeBron James nuk ka të drejtë të habisë botën me aftësitë e tij sportive.
