Jamarbër Malltezi, dhëndri i ish-Kryeministrit Sali Berisha, do të vijojë të qëndrojë në qeli, bazuar në vendimin e dhënë nga gjyqtarja Irena Gjoka, e cila la në fuqi masën e arrestit me burg për të, në seancën e mbajtur mbrëmjen e së hënës në GJKKO.
Malltezi tha para GJKKO se procesi për privatizimin e kompleksit Partizani nisi në vitin 2000. Madje Malltezi ka pohuar se inventarizimi ka nisur nga kryebashkiaku i kohës, kryeministrii i sotëm Edi Rama. Malltezi u shpreh se prona nuk ka qenë zonë sportive sikundër pretendon SPAK, por ka qenë pjesërisht sportive dhe pjesërisht banimi. Ai tha se zona sportive ishte e uzurpuar nga persona në mënyrë të paligjshme. Ai ka pohuar se ka pasur dijeni lidhur me hetimin e SPAK.
“Nuk e dija që armiku isha unë”, ka thënë me ironi Malltezi, i cili u arrestua nga forcat operacionale pasditen e së shtunës, teksa ndodhej në aeroportin “Nënë Tereza” duke pritur bashkëshorten e tij nga një udhëtim.
Ndaj Malltezit, i cili është person nën hetim, janë ngritur dy akuza nga SPAK, ajo e korrupsionit në bashkëpunim dhe pastrimit të produkteve të veprës penale.
Gjithashtu GJKKO ka vendosur sekuestro për 6 llogari bankare dhe një seri pronash të paluajtshme, kryesisht apartamente, që janë të regjistruara në emër të dhëndrit t ëish-Kryeministrit.
Jamarbër Malltezi, dhëndri i ish-Kryeministrit Sali Berisha, do të vijojë të qëndrojë në qeli, bazuar në vendimin e dhënë nga gjyqtarja Irena Gjoka, e cila la në fuqi masën e arrestit me burg për të, në seancën e mbajtur mbrëmjen e së hënës në GJKKO.
Malltezi tha para GJKKO se procesi për privatizimin e kompleksit Partizani nisi në vitin 2000. Madje Malltezi ka pohuar se inventarizimi ka nisur nga kryebashkiaku i kohës, kryeministrii i sotëm Edi Rama. Malltezi u shpreh se prona nuk ka qenë zonë sportive sikundër pretendon SPAK, por ka qenë pjesërisht sportive dhe pjesërisht banimi. Ai tha se zona sportive ishte e uzurpuar nga persona në mënyrë të paligjshme. Ai ka pohuar se ka pasur dijeni lidhur me hetimin e SPAK.
“Nuk e dija që armiku isha unë”, ka thënë me ironi Malltezi, i cili u arrestua nga forcat operacionale pasditen e së shtunës, teksa ndodhej në aeroportin “Nënë Tereza” duke pritur bashkëshorten e tij nga një udhëtim.
Ndaj Malltezit, i cili është person nën hetim, janë ngritur dy akuza nga SPAK, ajo e korrupsionit në bashkëpunim dhe pastrimit të produkteve të veprës penale.
Gjithashtu GJKKO ka vendosur sekuestro për 6 llogari bankare dhe një seri pronash të paluajtshme, kryesisht apartamente, që janë të regjistruara në emër të dhëndrit t ëish-Kryeministrit.
