Kryeministrja italiane Giorgia Meloni, me deklaratën e saj nga Granada e Spanjës, ku po mbahet seanca e Komunitetit Politik Evropian, iu referua sërish menaxhimit të emigracionit.
Më në detaje, kryeministrja italiane theksoi: “Jam e kënaqur, jemi çdo gjë tjetër veçse të izoluar.
Italia dëshiron, për Afrikën, një qasje që nuk është e natyrës paternaliste, por ne kemi nevojë për mbështetjen e gjithë Evropës. Sa i përket presidentit të Tunizisë – me të cilin kam marrëdhënie të mira – mendoj se ai i drejtohet kryesisht opinionit publik të vendit të tij” .
Granada, punto stampa prima del Vertice della Comunità Politica Europea. pic.twitter.com/0f3nk5vD3J
— Giorgia Meloni (@GiorgiaMeloni) October 5, 2023
Duke iu referuar mosmarrëveshjeve që kanë lindur ditët e fundit mes Italisë dhe Gjermanisë, Giorgia Meloni shtoi: “Kancelari Olaf Scholz nesër do të ketë një takim dypalësh, ditët e fundit kemi biseduar me telefon. Takimi i nesërm do të jetë një mundësi për të parë se si të bëhet përparim, veçanërisht në dimensionin e jashtëm.
Italia votoi pro Paktit të Migracionit dhe Azilit sepse këto janë rregulla që ne i konsiderojmë më të mira se ato të mëparshmet, por propozimi italian nuk ka të bëjë me vazhdimin e debatit për rishpërndarjen e atyre që hyjnë ilegalisht në Evropë. Ne jemi të interesuar të ndalojmë imigracionin e paligjshëm”., u shpreh Meloni.
