Pas ditës së djeshme, kur një pallat në Tiranë u përfshi nga flakët masivisht, dhe gati 60 përqind e pallatit është prekur, zjarrëfikësit kanë nisur të raportojnë vështirësitë dhe rreziqet.
Kreu i Sindikatës së Zjarrfikësve, Bledar Bajrami ka dhëne detaje në lidhje me ngjarjen.
“Hasëm shumë vështirësi. Autoshkalla 54 metra nuk u fut për shkak të mungesës së hapësirë. Nga ana tjetër veshja e pallatit ishte arsyeja kryesore e përhapjes së zjarrit. Bota e ka të ndaluar këtë veshje për pallatet. Këto materiale veshjesh ulin kostot prandaj përdoren”
Bajrami ka bërë thirrje dhe ka tërhequr vëmendjen ndaj i institucioneve për rrezikun që kanoset dhe nga veshja e përdorur në godinat shtetërore.
“Edhe kopshtet dhe çerdhet të veshura me materiale jo të sigurta. Hasëm vështirësi me rrugën, premë pemë dhe dëmtuan disa makina. Janë vendosur në rrezik pallatet e tjera. Pallati ishte i ngarkuar me panel diellore dhe kondicioner sisteme Chiller, cka nëse zjarri arrinte aty do bënte një dëm fatal. Është një varg i gjatë përgjegjësish. Besoj që ky material mbulimi duhet të ndalohet me ligj. Në pallate dhe godina shtetërore nuk duhet të lejohet ky material mbulimi. Ditën e djeshme kanë marrë pjesë 50 zjarrfikëse. Nëse do kishim rrugë dhe hapësirë mund ta mbyllnim shuarjen brenda 1 orë. Na penalizoi shumë hapësira dhe skishim si fusnin makinat. -ka përfunduar Bajrami.
