Lionel Messi ka vazhduar me paraqitje të mira dhe gola me Inter Miamin, duke shënuar golin e radhës dhe duke e kaluar ekipin në finalen e Kupës së Ligës.
Inter Miami mori fitoren e radhës në Kupën e Ligës për Amerikën e Veriut dhe atë Qendrore, duke mposhtur Philadelphia Union me rezultat të thellë 4-1.
Goli i dytë i ndeshjes u shënua pikërisht nga ylli argjentinas, Messi, i cili ka gjetur rrjetën për herë të nëntë nga gjashtë ndeshje radhazi deri tani.
Messi (20’) shënoi një supergol nga distanca prej rreth 30 metrave duke dërguar ekipin e tij në një epërsi prej 2-0.
Përveç Messit, te Inter Miami shënoi edhe Josef Martinez (3’), Jordi Alba (45+) dhe David Ruiz (84’).
Me këtë fitore, klubi nga Florida kap finalen e madhe, ku do të takohet me Nashville SC.
Finalja e madhe e Kupës së Ligës për Amerikën e Veriut dhe atë Qendrore zhvillohet më 20 gusht.
What can’t he do?! 🐐
Make it NINE goals in six games for Leo Messi. pic.twitter.com/HLf3zBFTmV
— Major League Soccer (@MLS) August 15, 2023
